ەلوردا • 01 شىلدە، 2022

ەلوردادا قحا كاسىپكەرلەر قاۋىمداستىعى ازەربايجان دەلەگاتسياسىمەن كەزدەستى

19 رەت كورسەتىلدى

ەلوردانىڭ دوستىق ۇيىندە قازاقستان حالقى اسسامبلەياسىنىڭ كاسىپكەرلەر قاۋىمداستىعى ازەربايجان دەلەگاتسياسىمەن بەيرەسمي كەزدەستى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

ەڭ الدىمەن دەلەگاتسيا ەلوردالىق اسسامبلەيانىڭ تاريحىمەن، ەتنومادەني ورتالىقتاردىڭ قىزمەتىمەن، قولونەر جانە ەكسپوناتتارمەن، ەلوردا ەتنوستارىنىڭ تۇرمىستىق بۇيىمدارىمەن تانىستى.

كەزدەسۋدىڭ نەگىزگى ماقساتى ىنتىماقتاستىقتى جولعا قويۋ جانە بولاشاقتا بىرلەسكەن ءىس-شارالاردى ۇيىمداستىرۋ بولىپ سانالادى.

ء«بىز 15 جىل بويى قازاقستانمەن تىعىز بايلانىستامىز: مۇناي-گاز جانە باسقا دا سالالاردا. ءبىزدىڭ Caspian Service كلۋبىمىزدىڭ مۇشەلەرىنىڭ ءبىرى قازاقستاندا ازەربايجاننىڭ ساۋدا ءۇيىن، DOLMA ازەربايجان اسحاناسىنىڭ مەيرامحاناسىن قۇردى. توقسانىنا ءبىر رەت كومپانيالاردى ءار ءتۇرلى تاقىرىپتار بويىنشا: اگروونەركاسىپتىك، كولىك، قۇرىلىس جانە باسقا سەكتورلار بويىنشا اكەلۋدى جوسپارلاپ وتىرمىز. كومپانيالار قازاقستانداعى بيزنەستى دامىتۋ مۇمكىندىكتەرى تۋرالى ءبىلۋى كەرەك. سونداي-اق قازاقستان كاسىپكەرلەرى ءۇشىن بيزنەس-تۋرلار وتكىزۋگە دايىنبىز. كاسپي تەڭىزى ءبىزدى بىرىكتىرەدى جانە ءبىز ودان دا بەلسەندى جانە ناتيجەلى بولۋ ءۇشىن پوزيتسيالاردى كۇشەيتۋىمىز كەرەك. مەنىڭ ويىمشا، ءبىزدىڭ ەلدەرىمىزدىڭ پرەزيدەنتتەرىنىڭ جىلى قارىم-قاتىناستارىنا تەڭەسىپ، ىنتىماقتاستىقتى جالعاستىرۋىمىز كەرەك»، دەپ اتاپ ءوتتى «Caspian Energy Club» توراعاسى جانە باس اتقارۋشى ديرەكتورى تەلمان اليەۆ.

كەزدەسۋ بارىسىندا كاسىپكەرلەر ءۇشىن تاجىريبە الماسۋعا، ءوز يدەيالارىن ۇسىنۋعا، پايدالى بايلانىستار جاساۋعا، قاۋىمداستىق، ونىڭ جۇمىس باعىتتارى تۋرالى اقپارات الۋعا، بيزنەستى دامىتۋدىڭ وزەكتى ماسەلەلەرىن تالقىلاۋعا جانە قاۋىمداستىق مۇشەسى بولۋعا تاماشا مۇمكىندىك بولدى.

«قازاقستان مەن ازەربايجان كاسىپكەرلىك، شاعىن جانە ورتا بيزنەس سالاسىنداعى ىنتىماقتاستىققا مۇددەلى. تاجىريبە الماسۋدىڭ ارقاسىندا ءبىز تاريحىمىزدا دا، قازىرگى ۋاقىتتا دا ورتاق نارسەلەر بار ەكەنىن تۇسىندىك. ءبىز بۇل ىنتىماقتاستىقتى ارى قاراي دا جالعاستىرامىز جانە قازاقستاندا دا، ازەربايجاندا دا ىنتىماقتاستىققا بەلسەندى قاتىسامىز»، دەدى قازاقستان حالقى اسسامبلەياسى كاسىپكەرلەر قاۋىمداستىعىنىڭ پرەزيدەنتى قايرات ايتباي.

كەزدەسۋ سوڭىندا قازاقستان مەن ازەربايجان اراسىنداعى ينۆەستيتسيالىق كومپانيالار قازاقستان حالقى اسسامبلەياسىنىڭ كاسىپكەرلەر قاۋىمداستىعى اياسىندا بىرلەسىپ جۇمىس ىستەۋگە ۋاعدالاستى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار