تاراز قالاسىنىڭ پوليتسيا باسقارماسىنا جامبىل وبلىسىنىڭ تۇرعىندارىنان الاياقتىق جولمەن الداپ, قوماقتى سومادا اقشالارىن جىمقىرعان بەلگىسىز ازاماتشاعا قاتىستى ارىز تۇسكەن.
قالالىق باسقارمانىڭ جەدەل-تەرگەۋ توبىمەن 34 جاستاعى ازاماتشا انىقتالدى. ول قالا تۇرعىندارىنا تومەن پايىزبەن نەسيە شىعارعان, الايدا اقشانى وزىنە يەمدەنگەن. العان نەسيە سومالارى 500 مىڭنان باستاپ 5 ميلليون تەڭگە كولەمىندە بولعان. جالپى كەلتىرىلگەن شىعىن كولەمى 47 ملن 80 مىڭ تەڭگەنى قۇرايدى.
كۇدىكتى ايەل ءوز كىناسىن مويىنداپ, ۋاقىتشا ۇستاۋ يزولياتورىنا قاماۋعا الىندى.
اتالعان دەرەك بويىنشا قر قك-ءنىڭ 190-بابىمەن (الاياقتىق) تەرگەپ-تەكسەرۋ امالدارى جۇرگىزىلىپ جاتىر.
