ەكونوميكا • 30 ماۋسىم، 2022

تارتىمدى جوبالارعا ينۆەستور دايىن

40 رەت كورسەتىلدى

قازاقستان ەكونوميكاسىن دامىتۋ جانە ارتاراپتاندىرۋعا شەتەلدىك ينۆەستورلار بەلسەندىلىك تانىتۋدا. بۇل ەلوردادا «Astana Finance Days 2022: تۇراقتىلىق، الەۋمەتتىك جاۋاپكەرشىلىك، ءوسۋ» تاقىرىبىندا وتكەن حالىقارالىق كونفەرەنتسيادا بەلگىلى بولدى.

تاۋەلسىزدىك جىلدارى ەلىمىزگە 390 ملرد دوللار كولەمىندە تىكەلەي شەتەلدىك ينۆەستيتسيا تارتىلعان ەكەن. ونىڭ باسىم بولىگى سوڭعى 10 جىلدا سالىنعان. ماسەلەن، بىلتىر ينۆەستيتسيالاردىڭ جالپى اعىنى 24 ملرد دوللاردى قۇراعان. بۇل – الدىڭعى جىلمەن سالىستىرعاندا 38%-عا ارتىق كورسەتكىش. سونىڭ ىشىندە مۇناي جانە گاز سالاسىنا سالىنعان سالىمدار 28%-دى عانا قۇراسا، 2018-2019 جىلدارى ولاردىڭ ۇلەسى 50%-عا تەڭ بولعان. حالىقارالىق جيىنعا قاتىسىپ، ءسوز سويلەگەن ۇكىمەت باسشىسى ەلىمىزدىڭ ءار سالاسىنا ينۆەستيتسيانىڭ كوبەيۋى ەل ەكونوميكاسىن ءارتاراپتان­دىرۋ بەلسەندى ءجۇرىپ جاتقانىن كورسەتەتىنىن، ەندى ەنەرگەتيكا مەن اۋىل شارۋاشىلىعى سالاسىنداعى مۇمكىندىكتەردى كوبىرەك زەردەلەۋ قاجەتتىگىن ايتتى.

كونفەرەنتسيا بارىسىندا كوپتەگەن شەتەلدىك ينۆەستور ءوز جوبالارىن تانىستىردى. مىسالى، «شەۆرون» كومپانياسى تىكەلەي ينۆەستيتسيالار قورىن قۇرعانىن جەتكىز­دى. «استانا» حالىقارالىق قارجى ورتالىعىندا اشىلعان Chevron Direct Investment Fund كوم­پانيا­­سى ەنەرگەتيكا مينيسترلىگىمەن جاسالعان مەموراندۋم اياسىندا قۇرىلىپ وتىر. 2021 جىلعى 11 قازاندا مينيسترلىك پەن كومپانيا 248،5 ملن دوللار سوماسىندا ينۆەستيتسيا قۇيۋ قورىن قۇرۋ تۋرالى كەلىسىمگە كەلگەن.

ەندى، مىنە، جاڭا ينۆەس­تور-كومپانيا قازاقستاننىڭ اقپاراتتىق جانە تسيفرلى تەحنولوگيالار، قورشاعان ورتانى قورعاۋ، مۇناي-گاز بەن قىزمەت كورسەتۋ، تاۋار ءوندىرۋ سالالارىنداعى كاسىپورىندار­عا ينۆەستيتسيا قۇيۋ ارقىلى ەل ەكونوميكاسىنا قولداۋ  كورسەت­پەك. «ىرىكتەۋ بارىسىندا ءبىز «شەۆرون» كومپانياسىنىڭ ەكونوميكالىق جوبالارعا دەگەن تالاپتارى مەن كريتەريلەرى ءتيىمدى ۇيىمداستىرىلعانىن كوردىك. سوندىقتان ولاردىڭ مول تاجىريبەسى قازاقستاندىق كاسىپكەرلەردىڭ الەۋەتىنىڭ   وسۋىنە ىقپال ەتىپ، ەكونوميكانى دامىتۋعا ارنالعان بيزنەس-جوبالار دا تارتىمدى بولادى دەگەن ۇمىتتەمىز»، دەيدى ەنەرگەتيكا ءمينيسترى بولات اقشولاقوۆ.

ال «شەۆرون» كومپانياسى ەۋرازيا بولىمشەسىنىڭ قارجى جونىندەگى باس مەنەدجەرى دەيمون تورنبەرگتىڭ ايتۋىنشا،  كومپانيا قازاقستاننىڭ ستراتەگيالىق جوسپارلارىنا ساي كەلەتىن، ەكونوميكانىڭ كىرىستىلىگىن ارتتىراتىن جوبا­لارعا ينۆەستيتسيا قۇيۋدى قاراس­تىرىپ جاتىر. ەگەر كاسىپ­كەرلەر تاراپىنان بارلىق تالاپقا ساي كەلەتىن تارتىمدى بيزنەس جوبالارى بولسا، قارجىلاندىرۋعا ءوتىنىش بەرە الادى. بارلىق اقپاراتتى www.cdif.kz سايتىنان الىپ، وسىندا ءوتىنىم قالدىرۋعا بولادى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار