قىمبات ەم-دوم قولجەتىمدى

مىسالى، الماتى قالاسى بويىنشا الەۋ­مەتتىك مەديتسينالىق ساقتاندىرۋ قو­رى­­نىڭ ديرەكتورى تىلەۋحان ابىلداەۆ بيىلعى ءتورت ايدا بىتكەن ىسكە قاتىستى ءباسپاسوز جيىنىن وتكىزىپ، باق تاراپىنان قويىلعان سۇراقتارعا جاۋاپ بەرە كەلە، جوعارى تەحنولوگيالىق وپەراتسيالاردى قارجىلاندىرۋ 5،4 ملرد تەڭگەگە ارتىپ، بيىل ەكو پروتسەدۋرالارىنا 3،2 ملرد تەڭگە بولىنگەنىن مالىمدەدى.

ءمامس-ءتىڭ ماڭىزدىلىعى سوندا، پەر­زەنت ءسۇيۋدى اڭساعان مىڭداعان ەرلى-زا­­يىپ­تىلاردىڭ ءۇمىتىن ۇكىلەپ، ەكۇ سياقتى قىم­­­­بات راسىمدەردى قارجىلاندىرۋدى كو­بەيتتى. مىسالى، وسى جىلعا 3152 قىزمەتكە 3،2 ملرد تەڭگەدەن استام قارجى ءبولىندى. بيىلعى 4 ايدا جالپى سوماسى 484 ملن تەڭگەگە ەكۇ-نىڭ 476 ءرا­سىمى وتكىزىلدى. بۇ­گىندە مەديتسينالىق ساق­­­­تان­­دىرۋ اياسىندا قالانىڭ سەگىز مەد­ي­تسي­­ن­الىق ۇيىمى ەكستراكورپورالدىق ۇرىق­تاندىرۋدى جۇزەگە اسىرۋدا.

قوردىڭ تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە ءمامس پاكەتى اياسىندا مەديتسينالىق قىزمەتتەردى قارجىلاندىرۋدى جالعاس­تىرىپ جاتقانىن اتاپ وتكەن ءجون.

ء«مامس ەنگىزىلگەننەن بەرى الماتى قالاسىنىڭ دەنساۋلىق ساقتاۋ بيۋدجەتى ەداۋىر ارتتى. 2022 جىلعا ناقتىلانعان بيۋدجەت 242،1 ملرد تەڭگەنى قۇرادى، بۇل وتكەن جىلمەن سالىستىرعاندا 17،3%-عا ارتىق»، دەيدى ت.ابىلداەۆ.

بيىلعى 4 ايدا قور ءمامس پاكەتىندە الماتى قالاسى بويىنشا مەديتسينالىق كومەككە تولەۋگە شامامەن 54،9 ملرد تەڭگە باعىتتاعان. قاڭتار مەن ءساۋىر ايلارى ارا­لىعىنداعى شىعىنداردىڭ باسىم بولىگى ستا­تسيونارلىق مەديتسينالىق كومەكتى تولەۋگە تيەسىلى، بۇل – 28،5 ملرد تەڭگەدەن استام. كونسۋلتاتسيالىق-دياگنوستيكالىق كومەك كورسەتكەنى ءۇشىن مەديتسينالىق ۇيىم­دارعا تاعى 11،4 ملرد تەڭگە تولەندى. ونىڭ ىشىندە ەڭ كوپ سۇرانىسقا يە – كت جانە مرت قىزمەتتەرى.

سول سياقتى ءمامس جۇيەسى اياسىندا وڭالتۋ كومەگىنە 3،4 ملرد تەڭگە باعىت­تال­دى. سپيكەر مىندەتتى الەۋمەتتىك مەدي­تسي­نالىق ساقتاندىرۋ جۇيەسىن ەنگىزۋ مەدي­تسينالىق وڭالتۋدى قارجىلاندىرۋدى ۇل­عايتۋعا جانە ونىڭ قولجەتىمدىلىگىن ەدا­ۋىر ارتتىرۋعا مۇمكىندىك بەرگەنىن اتاپ ءوتتى.

جوعارىدا اتاپ وتكەندەي، الماتىدا­عى ءمامس جۇيەسىنە جىل باسىنان بەرى 398 ملرد تەڭگەدەن استام قاراجات تۇسكەن.

الەۋمەتتىك مەديتسينالىق ساقتاندى­رۋ قورىنىڭ الماتى قالاسى بويىنشا ديرەك­تورى قوردىڭ 2017 جىلدان بەرى مىن­دەتتى مەديتسينالىق ساقتاندىرۋعا قارا­­جات جي­ناقتاپ كەلە جاتقانىن، ال 2018 جىل­دان ­باستاپ تەگىن مەديتسينالىق كومەك­تىڭ كەپىلدىك بەرىلگەن كولەمى (تمككك) شەڭ­بەرىندە، سونداي-اق 2020 جىل­دىڭ 1 قاڭ­تارىنان باستاپ مىندەتتى مەديتسي­نالىق ساقتاندىرۋ جۇيەسى اياسىندا مەديتسي­نا­لىق كومەكتى سترا­تەگيالىق ساتىپ الۋشى ەكە­نىن ەسكە سالدى.

«2022 جىلدىڭ 5 ايىندا ءمامس جۇ­يەسىنە تۇسىمدەر 398،4 ملرد تەڭگەنى قۇ­رادى. تۇسىمدەردىڭ نەگىزگى ۇلەسىن 15 جە­ڭىل­دىك ساناتى ءۇشىن مەملەكەتتىڭ جارنالا­رى قۇرايدى، بۇل – 42%-دان استام، جۇ­مىس بەرۋشىلەردىڭ اۋدارىمدارى – 34،7%-دان استام جانە ەكونوميكالىق بەل­سەندى حالىقتىڭ جارنالارى – 22،6%»، دەدى ت.ابىلداەۆ.

وڭىرلەر بويىنشا ەڭ كوپ كىرىستەر الماتى، نۇر-سۇلتان قالالارى مەن قارا­عاندى جانە شىعىس قازاقستان وبلىستارىنا تيەسىلى.

سپيكەر ءمامس-ءتىڭ ەنگىزىلۋىنىڭ ناتي­جەسىندە، تۇرعىندار ءۇشىن كونسۋلتاتسيا­لىق-دياگنوستيكالىق كومەكتىڭ قولجەتىم­دىلىگى ارتقانىنا توقتالدى. سونداي-اق قالا تۇرعىندارىنا مەديتسينالىق ۇيىم­دار تاراپىنان قۇقىق بۇزىلعان جاعدايدا كەز كەلگەن قالا تۇرعىنى پايدالانا الاتىن كەرى بايلانىس ارنالارى بار ەكە­نىن جەتكىزدى. اتاپ ايتقاندا، Qoldau24/7 ءمو­بيلدى قوسىمشاسى، 1406 بىرىڭعاي بايلانىس ورتالىعى جانە fms.kz. رەسمي سايتىنا كەلىپ تۇسكەن بارلىق ءوتىنىش مىندەتتى تۇردە قاراستىرىلادى.

الماتى