قوعام • 30 ماۋسىم، 2022

جاستارعا جاناشىر جوبا

37 رەت كورسەتىلدى

تاياۋدا كوكشەتاۋ قالاسىندا اقپاراتتىق جانە قوعامدىق دامۋ مينيسترلىگىنىڭ جانە ازاماتتىق باستامالاردى قولداۋ ورتالىعىنىڭ دەمەۋىمەن «جاستارعا مۇمكىندىك!» تاقىرىبىندا ماسەلەنىڭ مانىسىنە بويلاپ، تالقىلاۋ وتكىزىلدى.

بۇل جوبا «ادىرنا» ۇلتتىق-ەتنوگرافيالىق بىرلەستىگى قو­عام­دىق قورىنىڭ «جاستاردى الەۋ­مەتتەندىرۋ جانە وڭالتۋ» جوباسى اياسىندا ۇيىمداستىرىلىپ وتىر. ستاتيستيكالىق دەرەكتەرگە قاراعاندا، ەل جاستارىنىڭ 10 پايىزى نە ءبىلىم الىپ، نە تۇراق­تى جۇمىس ىستەپ جاتقان جوق. دەمەك بۇل ورايداعى ما­سەلە شاش ەتەكتەن. اسىرەسە اۋىل جاس­تارىنىڭ ءبىراز بولىگى ەكى قولعا ءبىر كۇرەك تابا الماي، قاڭ­تارىلىپ وتىرعاندىعىن ەش­كىم جوققا شىعارا الماي­دى. قو­عامدىق قوردىڭ پرە­زيدەنتى ار­مان اۋباكىردىڭ ايتۋىنا قارا­عاندا، جاستارعا جانا­شىرلىق جاساۋعا ءتيىستى وسى­عان ۇقساس جوبا تۇڭعىش رەت 2018 جىلى باتىس قازاقستان ولكە­سىندە اتقا­رى­لىپتى. جاقسى ىس­تەرگە ۇيىتقى بولاتىن، جالىن­دى جاستاردىڭ بو­يىنداعى قاجىر-قايراتتى ۇشتاپ، العا جەتەلەيتىن تاجىريبە وسى كەزدە قالىپتاسقان.

قوعامدىق قور پرەزيدەنتىنىڭ ايتۋىنشا، قور ءار وڭىر­دەگى جاستاردى جۇمىسقا ورنا­لاستىرۋعا تالپىنۋدا. ول ءۇشىن بەلگىلى ءبىر ءىستى باستاپ، سول ىسى­نەن ناتيجە شىعارعان جاس كا­سىپ­كەرلەردىڭ تالپىنىسى مەن تا­جىريبەسىن ونەگەلى مىسال ەتىپ، ءدال وسىنداي بيىككە شىعۋ بۇلاردىڭ دا قولدارىنان كەلەتىنىن ايتىپ، جىگەرلەندىرۋدە. جاستار ارا­سىنداعى تىلدەسۋلەر، ولاردىڭ جەكە بيزنەسپەن اينالىسقىسى كەلەتىندىكتەرىن انىقتاپ وتىر. نا­تيجەگە جەتۋ ءۇشىن، ارينە، تا­جىريبە قالىپتاستىرۋ قاجەت. وسى ورايدا تەگىن شەبەرلىك ساباق­تارى دا ۇيىمداستىرىلۋدا.

«ادىرنا» ۇلتتىق ەتنوگرا­فيالىق بىرلەستىگىنىڭ وكىلدەرى جەرگىلىكتى جۇمىسپەن قامتۋ جانە جاستار باستامالارىن دامىتۋ ورتا­لىقتارىمەن بىرلەسە وتىرىپ، adyrna.kz سايتىنا تىر­كەلۋ ءۇشىن ارنايى فورمالار ازىرلەدى. ەن­دى جاستارمەن تىكە­لەي بايلانىس ورناتىپ، ارقيلى ءىس-شارالار وتكىزىلە باستاماق. سايىپ كەلگەندە قولعا الىنعان قىرۋار جۇمىستىڭ بارلىعى ەل جاستارىنىڭ ەڭسەسى كو­تەرىلىپ، ءوزىن-ءوزى قامشىلاپ، ءوزىن-ءوزى دا­­مىتۋعا ىقپال ەتەدى دەپ كۇتى­لۋدە.

قازاقتىلدى ورتاعا، اۋىل جاس­­­­­­تارىنا شاراپاتى تيەتىن جانا­­شىر جوبانى جانداندىرۋ ءۇشىن تاسى ورگە دومالاپ تۇر­­­­­عان كاسىپكەرلەرمەن كەزدە­سۋ­لەر وتكىزىلمەك. مۇنداي ءتۇيىن تۇيت­­­كىلىن شەشۋگە ىقپال ەتەتىن پىكىرالماسۋلار بارىسىندا ءوز ءىسىن باستاعىسى كەلەتىن جاستار وزدەرىن تولعاندىرىپ جۇرگەن سان قىرلى ساۋالعا تولىمدى جاۋاپ الاتىن بولادى. ءارى جۇ­مىسپەن قامتۋ سالاسىنىڭ قىز­مەتكەرلەرى مەملەكەت تاراپىنان جاسالىپ جاتقان قولداۋ-كو­مەكتىڭ مۇم­كىندىگى تۋرالى ايتىپ بەرمەك.

 

كوكشەتاۋ

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار