ونەر • 30 ماۋسىم، 2022

ەلوردادا «حات» فيلوسوفيالىق دراماسىنىڭ پرەمەراسى وتەدى

32 رەت كورسەتىلدى

قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى شىلدە ايىنىڭ 2-ءسى جانە 4-ءى كۇندەرى «حات» فيلوسوفيالىق دراماسىنىڭ  پەرمەراسىن ۇسىنادى، دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

شىلدە ايىنىڭ 2 جانە 4 جۇلدىزىندا قاللەكي تەاترىنىڭ ۇجىمى كورەرمەندەر نازارىنا ەريك-ەممانيۋەل ءشميتتىڭ «وسكار جانە القىزىل بيكەش» شىعارماسىنىڭ جەلىسىمەن ساحنالانعان «حات» فيلوسوفيالىق دراماسىنىڭ پرەمەراسىن ۇسىنادى. تۋىندىنى قازاق تىلىنە اۋدارعان - قۋات ەجەمبەك. قويۋشى رەجيسسەرى – راچا ماحاتاەۆ. قويۋشى سۋرەتشى – يلشات ۆيلدانوۆ. حورەوگراف – اسان بورانچين.

ن

«وسكار جانە القىزىل بيكەش» شىعارماسى كەڭ تارالعان تۋىندىلاردىڭ ءبىرى. فرانتسۋز جازۋشىسى ەريك-ەممانيۋەل ءشميتتىڭ اتالعان تۋىندىسىندا قوعامداعى وزەكتى ماسەلەلەر قوزعالادى. ادامداردىڭ بويىنان مەيىرىم، قايىرىم، سۇيىسپەنشىلىك قاسيەتتەرى جوعالعان قازىرگى ۋاقىتتا، بۇل شىعارمانىڭ ماڭىزى، ءمانى زور بولماق.

سپەكتاكلدىڭ جانرى – فيلوسوفيالىق دراما. مۇنى تاماشالاعان پاتشا كوڭىل كورەرمەن رۋحاني ازىق الىپ، تاعىلىم تانىپ، وي تۇيەرى انىق»، دەلىنگەن حابارلامادا.

سپەكتاكلدىڭ ەكى اكتەرلىك قۇرامى بار. ءبىرىنشى قۇرامدا جاس اكتريسا ينابات ابەنوۆا، قازاقستاننىڭ ەڭبەك سىڭىرگەن ءارتيسى جانات چايكينا، ەرعۇلان جانپەيىسوۆ، قازاقستان جاستار وداعى «سەرپەر» سىيلىعىنىڭ لاۋرەاتى تاڭسۇلۋ باتالوۆا، قازاقستاننىڭ ەڭبەك سىڭىرگەن قايراتكەرى اسىلبەك قاپاەۆ، دينارا ەگۋباەۆا، قازاقستان جاستار وداعى «سەرپەر» سىيلىعىنىڭ لاۋرەاتى سايا توقمانعاليەۆا، ەكىنشى قۇرامدا قر «دارىن» مەملەكەتتىك جاستار سىيلىعىنىڭ لاۋرەاتى التىنگۇل سەركەباەۆا، «قۇرمەت» وردەنىنىڭ يەگەرى مايرا ومار، ەرسىن ايتمۇقاش، اراي وماروۆا، سامات بايىروۆ، اميرا وماروۆا، جانار قاسىموۆا.

توعانبەك ايانا

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار