وقيعا 28 ماۋسىم كۇنى ساعات 21:45-تە بولعان. نۇرا اۋىلىنان 4 شاقىرىم جەردە «جاراسپاي-نۇرا» اۆتوجولىندا ەكى اۆتوكولىك سوقتىعىستى. پوليتسيا دەپارتامەنتى حابارلاعانداي, «حوندا وديسسەي» اۆتوكولىگىنىڭ 58 جاستاعى جۇرگىزۋشىسى كولىك تىزگىنىنە يە بولا الماي, قارسى جولاققا شىعىپ كەتىپ, 25 جاستاعى جۇرگىزۋشىنىڭ باسقارۋىنداعى «فولكسۆاگەن گولف» اۆتوكولىگىنە سوعىلعان.
«حوندا وديسسەي» اۆتوكولىگىنىڭ جۇرگىزۋشىسى وقيعا ورنىندا كوز جۇمدى. «فولكسۆاگەن گولف» اۆتوكولىگىنىڭ جۇرگىزۋشىسى مەديتسينالىق مەكەمەدە قايتىس بولدى», دەپ حابارلادى وبلىستىق پد ءباسپاسوز قىزمەتى.
جول اپاتىنان «فولكسۆاگەن گولف» اۆتوكولىگىنىڭ جولاۋشىلارى دا زارداپ شەكتى. 37 جانە 33 جاستاعى ەرلى-زايىپتى جانە ولاردىڭ 11, 8, 7, 6, 5 جانە 2 جاستاعى بالالارى, سونداي-اق 19 جاستاعى ايەلدىڭ ءىنىسى اۋرۋحاناعا جەتكىزىلگەنى بەلگىلى بولدى.
