سپورت • 30 ماۋسىم, 2022

اسۋدىڭ قارسىلاسى انىقتالدى

170 رەت
كورسەتىلدى
1 مين
وقۋ ءۇشىن

30 شىلدەدە برازيليانىڭ گويانيا قالا­سىندا ارالاس جەكپە-جەكتەن وتەتىن BRAVE CF 60 تۋرنيرىندە قازاق سپورتشىسى اسۋ الماباەۆتىڭ كىممەن كۇش سىناساتىنى بەلگىلى بولدى.

اسۋدىڭ قارسىلاسى انىقتالدى

اسا جەڭىل سالماقتا ونەر كورسەتىپ جۇرگەن قانداسىمىز اقش-تىڭ وكىلى زاكا ما­كوۆسكيمەن ايقاسادى. 39 جاستاعى پەنسيلۆانيا شتاتىنىڭ تۋماسى وسى سپورت ءتۇرىن سەرىك ەتكەنىنە 16 جىلعا جۋىقتادى. سول ارالىقتا 31 كەزدەسۋ وتكىز­گەن ول 21 رەت جەڭىسكە جەتتى. سەگىز باسەكەنى مەرزىمىنەن بۇرىن اياقتادى. 2010 جىلى ول Bellator پروموۋشەنىندە باق سىناپ, چەم­پيوندىق بەلبەۋدى يەلەندى. زاك 2013-2016 جىلدار ارالىعىندا UFC-دە ايقاستى. الەمنىڭ ەڭ بەلدى ۇيىمىنىڭ تۋى استىندا جەتى رەت وكتاگونعا شىعىپ, ءۇش رەت باسىمدىق تانىتتى. سكوتت يورگەنسەن, دجوش سەمپو جانە تيم ەلليوتتى ۇتقان ول جۋسسەر فورميگا, دجوزەف بەناۆيدەس, دجون دودسون جانە داستين ورتيسكە ەسە جىبەردى.

28 جاستاعى اسۋ الماباەۆتىڭ ارالاس جەكپە-جەكپەن اينالىسىپ جۇرگەنىنە توعىز جىلدان استى. 15 كەزدەسۋىنىڭ ول تەك ەكەۋىندە عانا ۇتىلدى. توعىز باسەكەدە اسۋ ايقىن باسىمدىق تانىتتى.

سوڭعى جاڭالىقتار