جالعان اقشا جارعا جىقتى

كىم ءدامدى تاماق ءىشىپ, ءتاۋىر كيىنگىسى, جاقسى ءجۇرىپ-تۇرعىسى كەل­مەيدى دەيسىز. بىراق ول ءۇشىن كوپ  اقشا كەرەك.  وسىن­دايدا, امال نە, سول مول اقشانى قولدان جاساپ الۋعا بولادى دەپ, قىلمىستىڭ قاق ورتاسىنان  ءبىر-اق شىعاتىندار ءار جەردەن بوي كورسەتىپ قالادى.  ەلدىڭ ەكونوميكاسىنا وراسان زور زيان كەلتىرەتىن سونداي زىميانداردىڭ ءبىرى رۋدنىي قالاسىنان ۇستالدى. قوستاناي وبلىسى بويىنشا قار­جى پوليتسياسى دەپار­تامەنتىنىڭ قىز­مەتكەرلەرى ءجۇر­­گىزگەن  جەدەل ىزدەستىرۋ شارا­لارىنىڭ ارقاسىندا جالعان اقشا شىعارىپ وتىرعان تۇتاس تسەح جويىلدى. تسەح رۋدنىي قالاسىنداعى تۇرعىن ۇيلەردىڭ بىرىندە ورنالاسىپتى.  ونان  قارجى پوليتسەيلەرى جالعان اقشا باسىپ شىعارعان  كومپيۋتەرلىك جانە  ۇيىمداستىرۋ تەحنيكالارىن, سونداي-اق, 2000 تەڭگەلىكتىڭ سۋرەتىن سالعان قاعازداردى, قاعاز كەسەتىن قۇرالداردى تاركىلەدى. جالعان اق­شامەن بايىعىسى كەلگەن كۇدىكتى, رۋدنىي قالاسىنىڭ تۇرعىنى سوت شەشىمىمەن تۇت­قىن­دا­لىپ, ونىڭ ۇستىنەن  قىلمىس­تىق كو­دەكستىڭ  206-بابى, 2-ءبولى­مى بويىنشا قىلمىستىق ءىس قوز­عالدى. ءنازيرا جارىمبەتوۆا, «ەگەمەن قازاقستان». رۋدنىي.