ءىس-شاراعا سونداي-اق سىرتقى ساياسي ۆەدومستۆو باسشىلارى – يراننان حوسەين امير ابدوللاحيان, رەسەيدەن – سەرگەي لاۆروۆ, تۇرىكمەنستاننان – راشيد مەرەدوۆ جانە ازەربايجان ءسىم باسشىسىنىڭ ورىنباسارى حالاف حالافوۆ قاتىستى.
كاسپي بەستىگىنىڭ مينيسترلەرى كاسپي تەڭىزىندەگى جاعالاۋداعى مەملەكەتتەر ىنتىماقتاستىعىنىڭ بىرقاتار وزەكتى ماسەلەسىن تالقىلادى. سونداي-اق بيىلعى 29 ماۋسىمدا اشحاباد قالاسىندا قازاقستان, ازەربايجان, يران, رەسەي جانە تۇرىكمەنستان پرەزيدەنتتەرىنىڭ قاتىسۋىمەن وتەتىن VI كاسپي ءسامميتىنىڭ كومميۋنيكەسىنىڭ جوباسىن كەلىستى.
الدىڭعى VI كاسپي ءسامميتى 2018 جىلى اقتاۋ قالاسىندا ءوتتى. ونىڭ قورىتىندىسى بويىنشا كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلدى.
