قازاقستان • 28 ماۋسىم، 2022

يسا اقىننىڭ سۇيىنشىگە بەرگەن دومبىراسى

35 رەت كورسەتىلدى

يسا بايزاقوۆ پاۆلودار وبلىسى، ەرتىس اۋدانى، ۇلگىلى اۋىلىندا تۋعان. قازاق پوەزياسىندا ايرىقشا ورىن الاتىن يسانىڭ اكتەرلىك، انشىلىك، دومبىراشىلىق ونەرىنىڭ سىرتىندا ونىڭ اقىندىق ونەرى ءبىر توبە. ونىڭ «قۇرالاي سۇلۋ»، «قويشىنىڭ ەرتەگىسى»، «التاي اياسىندا»، «كاۆكاز»، «قىرمىزى-جاناي»، «اقبوپە» سياقتى پوەمالارى ءوزىنىڭ كوركەمدىگىمەن دە، ادامگەرشىلىك اسىل قاسيەتتەردى پاش ەتەتىن يدەيالىق قۋاتىمەن دە قازاق ادەبيەتىندە ايرىقشا مارتەبەلى ورىنعا يە.

تۇركىستان وبلىسى، بايدىبەك اۋدانى  ساۋلەت-كوركەم مۋزەيىن­دە ەرەكشە دارىن يەسى يسا باي­زاقوۆتىڭ دومبىراسى ساق­تالعان. اقىننىڭ دومبىراسى قارت قاراتاۋدىڭ قويناۋىنداعى بايدىبەك اۋدانىنا قالاي كەلدى؟

سوناۋ سۇراپىل سوعىس جىلدارىندا شەجىرەلى شايان وڭىرىنە اقىن يسا بايزاقوۆ كەلەدى. سۇم سوعىس ەڭسەسىن ەزگەن ەل اقىن­دى قۇشاق جايا قارسى الادى. جاي­باراقات تىرشىلىكتىڭ استان-كەستەنىن شىعارعان سوعىستىڭ اۋىر، بەينەتتى تىرشىلىگىنەن، ازا­ماتتارىنان ايىرىلىپ قا­مىق­قان قالىڭ جۇرت اقىننىڭ جىر-داستاندارىن تاڭعا دەيىن تىڭداپ ءبىر سەرپىلىپ قالادى.

اقىن اۋىلداردى ارالاپ، كوپشىلىكتى ءان-جىرىمەن  رۋحتاندىرىپ جۇرگەندە باتىستاعى  اسكەرلەرىمىزدەن «1943 جىلدىڭ 2 اقپانىندا دون مايدانىنىڭ اسكەرلەرى ستالينگراد تۇبىندە قورشاۋعا الىنعان نەمىس ارمياسىن تولىق تالقاندادى» دە­گەن جاقسى جاڭالىق جەتەدى.  سو­عىستىڭ ءاربىر ءساتىن قالت جىبەرمەي،ء«بارى دە مايدان ءۇشىن!» دەپ  اۋىر بەينەتتى ار­قا­لاپ جۇرگەن اۋىلداعىلار بۇل جەڭىسكە شات-شادىمان قۋا­نىپتى. قازاق تابالدىرىق اتتاعان ءار قوناعىن كۇت ساناعان ەمەس پە؟ اۋىل تۇرعىندارى دا يسا اقىندى قۇت كورىپ، ءسۇيىن­شى سۇرايدى. دارقان كوڭىلدى اۋىلداعىلارمەن قوسا قۋانعان اقىن سۇيىنشىگە ءوزىنىڭ قيماس سەرىگى دومبىراسىن بەرگەن ەكەن. مۇنداي مارتتىكتى كۇتپەگەن جۇرتشىلىق اقىنعا «جار دەگەندە جالعىز دومبىراڭىزدان قالاي ايىرامىز» دەپ قىنجىلىپتى. سوندا  «ۋا، كوپشىلىك، ىزەتكە نايزا بويلاماس، مەن سۇيىنشىلەگەن ەلگە شىن كوڭىلمەن بەردىم دومبىرامدى» دەپ اعىنان جارىلعان ەكەن اقىن.

سوعىس اياقتالىپ بۇل وقيعا دا ۇمىت بولادى. يسا اقىننىڭ دومبىراسى دا ەل جادىنان شى­عىپ كەتەدى. ارادا ءبىراز جىلدار وتكەن سوڭ، وسى وقيعادان حابارى بار اقتاس اۋىلىنىڭ  تۇرعىنى ورىنتاي اتابەكوۆ ءوزىنىڭ ناعاشىسىنان اقىننىڭ دومبىراسىن الىپ كەلىپ، مۋزەيگە وتكىزەدى.

بۇگىندە يسا اقىننىڭ دومبىراسى مۋزەي تورىنەن ورىن العان قۇندى جادىگەرلەردىڭ ءبىرى.

 

ەلميرا جاماشوۆا،

ساۋلەت-كوركەم مۋزەيىنىڭ قىزمەتكەرى

 

تۇركىستان وبلىسى،

بايدىبەك اۋدانى

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار