قازاقستاندىقتاردىڭ ۇي شارۋاشىلىعى 100 پايىز اس ءۇي پليتاسى, 99,7 پايىز توڭازىتقىش, 96,1 پايىز كىر جۋعىش ماشيناسى, 94,1 پايىز شاڭسورعىش, 79,1 پايىز قىسقا تولقىندى پەشپەن قامتىلعان.
وسى جىلدىڭ ءساۋىر ايىنىڭ قورىتىندىسى بويىنشا ەلىمىزدە تۇرمىستىق تەحنيكا باعاسى ءبىر جىلدا 18,1%-عا وسكەن. باعانىڭ كوتەرىلۋى الماتى وبلىسىنان بايقالادى. جامبىل جانە سولتۇستىك قازاقستان وبلىستارىندا دا 20 پايىزعا دەيىن كوتىرىلگەن. ونىڭ ىشىندە توڭازىتقىش پەن مۇزداتقىش جىلىنا 15,8%- عا, اس ءۇي پليتالارى 17,2%- عا, كىر جۋعىش جانە ىدىس جۋاتىن ماشينالار 22% -عا, شاڭسورعىش 25,1%-عا قىمباتتاعان.
ايتا كەتەيىك, ەلىمىزدەگى تۇرمىستىق قۇرالداردىڭ باسىم كوپشىلىگى يمپورتتىق. وسى جىلدىڭ ءبىرىنشى توقسانىنىڭ قورىتىندىسى بويىنشا ەلىمىزدە بارلىعى 322 تۇرمىستىق توڭازىتقىش پەن مۇزداتقىش ءوندىرىلدى. سونىمەن قاتار سەكتورداعى يمپورت 144,9 مىڭ بۇيىمدى قۇرادى. سونىمەن قاتار ءبىرىنشى توقساندا قازاقستاندا مۇلدەم وندىرىلمەيتىن 150,8 مىڭ كىر جۋاتىن ماشينا مەن كىر كەپتىرەتىن ماشينا, 89,1 مىڭ تۇرمىستىق شاڭسورعىش, 181,9 مىڭ ميكسەر, ۇساقتاعىش پەن شىرىن سىققىش جانە ت.ب. اكەلىندى.
