«ءوڭىر» دەپۋتاتتىق توبى شاعىن جانە ورتا بيزنەستى دامىتۋ ماسەلەلەرىن تالقىلادى

وڭتۇستىك قازاقستان وبلىسىندا قازاقستان رەسپۋبليكاسى پارلامەنتى سەناتىنىڭ «ءوڭىر» دەپۋتاتتىق توبىنىڭ كوشپەلى وتىرىسى بولدى. كەزدەسۋ قازاقستان پرەزيدەنتىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋى اياسىندا شاعىن جانە ورتا بيزنەستى دامىتۋ مەملەكەتتىك قولداۋ تاقىرىبىن تالقىلاۋعا ارنالدى. شاراعا «ءوڭىر» دەپۋتاتتىق تو­بى­نىڭ مۇشەلەرى, سەناتور­لار ەرمەك جۇماباەۆ, قۋا­نىش ايتاحانوۆ, سۆەتلانا جالما­عام­بەتوۆا, اسحات كۇزەكوۆ, ورىنباي راح­مانبەرديەۆ, جۇمابەك تورەگەل­دينوۆ, مۇرات باقتيار ۇلى, وڭ­تۇستىك قازاقستان وبلىسىنىڭ اكى­مى اسقار مىرزاحمەتوۆ, وڭىرلىك دامۋ ءمينيسترىنىڭ ءبىرىنشى ورىنبا­سارى قايىربەك وسكەنباەۆ, اۋىل شارۋا­ش­ىلىعى ءمينيسترىنىڭ ورىن­باسارى ساپارحان وماروۆ, وب­لىس­تىق ءماسليحاتتىڭ دەپۋتاتتارى, جەرگىلىكتى ورگانداردىڭ جانە ۇكىمەتتىك ەمەس ۇيىمداردىڭ وكىلدەرى قاتىستى. «قازاقستان-2050» سترا­تە­گيا­سىنىڭ ماڭىزدى باعىتتارىنىڭ ءبىرى – شاعىن جانە ورتا بيزنەستىڭ دامۋىنا نەعۇرلىم قولايلى جاعدايلار جاساۋ بولىپ تابىلادى. مەملەكەت باسشىسى «ءبىزدىڭ ەكو­نوميكامىزدا شاعىن جانە ورتا بيزنەستىڭ ۇلەسى نەعۇرلىم كوپ بولعان سايىن, سوعۇرلىم قازاق­ستاننىڭ دامۋى تۇراقتى بولا­دى» دەپ بىرنەشە رەت اتاپ ايتقان بولاتىن», – دەدى پارلامەنت سەنا­تىنىڭ دەپۋتاتى, «ءوڭىر» دەپۋتاتت­ىق توبىنىڭ جەتەكشىسى ەرمەك جۇماباەۆ. ەلىمىزدىڭ پرەزيدەنتى ىشكى جالپى ءونىم قۇرامىنداعى شاعىن جانە ورتا كاسىپكەرلىكتىڭ ۇلەسىن كو­بەيتۋ ءۇشىن العا بىرقاتار ءمىن­دەتتەر قويدى. اتاپ ايتقاندا, جەكەمەنشىك ينستيتۋتتارىن زاڭنا­مالىق تۇرعىدان نىعايتۋ بويىنشا كەشەندى شەشىمدەر قابىلداۋ, بيزنەستىڭ دامۋىنا كەدەرگى كەلتىرەتىن ينەرتتى قۇقىقتىق نورمالاردىڭ كۇشىن جويۋ, وسى سەكتور سۋبەكتىلەرى بانكروتتىعىنىڭ ناقتى تەتىگىن ەنگىزۋ, كەيىننەن ورتا بيزنەس قاتارىنا اۋىسۋ پەرسپەكتيۆاسىمەن شاعىن بيزنەستىڭ ماماندانۋىن دامىتۋ بويىنشا شارالار كولدانۋ, جۇمىسىن جاڭادان باستاپ جاتقان بيزنەسمەندەرگە ادىستەمەلىك كومەكتىڭ ءتيىمدى تەتىكتەرىن جاساۋ كوزدەلىپ وتىر. ەلباسىنىڭ وسى­ناۋ جاسامپاز ساياساتىن زاڭ تۇر­عى­سىنان قامتاماسىز ەتۋگە پار­لامەنت سەناتىنىڭ دەپۋتاتتارى دا, ونىڭ ىشىندە «ءوڭىر» دەپۋتاتتىق توبى دا ءوز ۇلەسىن قوساتىن بولادى. «قازىرگى ۋاقىتتا, رەسپۋبليكادا 871,5 مىڭ شاعىن جانە ورتا كا­سىپكەرلىك سۋبەكتىسى جۇمىس ىستەي­دى, 2,6 ميلليون ادام جۇمىس­پەن قامتىلعان, ولار 9 019,7 ميل­ليارد تەڭگەنىڭ ءونىمىن شىعارا­دى. ەلىمىزدىڭ 17 قالاسىندا كاسىپ­كەر­لەرگە قىزمەت كورسەتۋ ورتالىعى قۇرىلدى, ولار بىلتىر 22 074 كونسۋلتاتسيا بەردى. 27 مونوقالانىڭ بارلىعىندا كاسىپكەرلەردى قولداۋ ورتالىقتارى جۇمىس ىستەپ تۇر. 2014 جىلى 160 اۋدان ورتالىعىنىڭ بارلىعىندا كاسىپكەرلەرگە قىزمەت كورسەتۋ ورتالىعى اشىلادى», – دەدى ە.جۇماباەۆ. كوشپەلى وتىرىس بارىسىن­دا سەناتورلار وڭتۇستىك قازاق­ستان وبلىسىنداعى كاسىپكەر­لەر­گە قىزمەت كورسەتۋ ورتالىق­تارى­نىڭ جۇمىسىمەن تانىستى. وندا دەپۋتاتتارعا ۇدەمەلى يندۋس­تريالىق-يننوۆاتسيالىق دامۋ مەم­لەكەتتىك باعدارلاماسىن ىسكە اسىرۋ جايى كورسەتىلدى, دەپ حابارلادى سەناتتىڭ ءباسپاسوز قىزمەتى.