بىرلەسكەن جۇمىس جاعدايى تالقىلاندى

كەشە پرەمەر-مينيستر كارىم ءماسىموۆ قازاقستاننىڭ ەۋروپالىق بيزنەس اسسوتسياتسياسى ديرەكتورلار كەڭەسىنىڭ مۇشەسى جانە ەۋروپالىق وداقتىڭ قازاقستانداعى وكىلدىگىنىڭ باسشىسى اۋرەليا بۋشەزبەن كەزدەستى. كەزدەسۋ قازاقستان رەسپۋبليكاسىنىڭ ينۆەستيتسيالىق احۋالىن جاقسارتۋ جونىندەگى مۇمكىن دەگەن شارالاردى تالقىلاۋعا ارنالدى. اسسوتسياتسيا وكىلدەرى پرەمەر-مينيسترمەن يننوۆاتسيالىق, جوعارى تەحنولوگيالىق جانە ستراتەگيالىق جوبالاردى جۇزەگە اسىرۋدا ينۆەس­تورلار جولىعاتىن پروبلەمالاردى,  ۆيزالىق جانە كوشى-قون ماسەلەلەرىن, ەڭبەك زاڭناماسى مەن شەتەلدىك جۇمىس كۇشىن تارتۋ ماسەلەلەرىن, ەكونوميكانى  ءارتاراپتاندىرۋ  جانە كاسىپكەرلىك قىزمەتتى مەملەكەتتىك رەتتەۋ ماسەلەلەرىن تال­قىلادى. كەزدەسۋ بارىسىندا ۇكىمەت پەن قازاق­ستاننىڭ ەۋروپالىق بيزنەس اسسوتسياتسياسى اراسىنداعى ودان ارعى ءىس-قيمىلدار جوسپارى كەلىسىلدى. ناتيجەسىندە اكىمشىلىك كەدەرگىلەردى جويۋ جونىنەن زاڭنامالاردى ودان ءارى جەتىلدىرۋ جانە ناقتى ۇسىنىستار قالىپتاستىرۋ ءۇشىن مۇددەلى تاراپتاردى كەڭىنەن شاقىرا وتىرىپ, بىرلەسكەن دوڭگەلەك ۇستەلدەر وتكىزۋ جانە جۇمىس توپتارىن قۇرۋ جونىندە ۋاعدالاستىققا قول جەتكىزىلدى.