وزبەكستاننىڭ باس گازەتى سانالاتىن «حالىق ءسوزىنىڭ» 2022 جىلعى 25 ماۋسىمداعى №133 نومىرىندە «وزبەكستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» وزبەكستان رەسپۋبليكاسىنىڭ كونستيتۋتسيالىق زاڭىنىڭ جوباسى جالپىحالىقتىق تالقىلاۋعا شىعارىلدى.
ەلدىڭ قازىرگى كونستيتۋتسياسىنىڭ 90-بابىنا سايكەس, پرەزيدەنتتىڭ وكىلەتتىك مەرزىمى 5 جىل. ءارى ءبىر ادام 2 رەتتەن ارتىق بۇل لاۋازىمعا سايلانا المايدى. رەفەرەندۋمدا تالقىعا ۇسىنىلعان زاڭ جوباسى قابىلدانسا, پرەزيدەنتتىڭ مەرزىمى 7 جىلعا ۇزارتىلادى.
اتاپ ايتقاندا, «90-باپتىڭ ەكىنشى بولىگىندەگى «بەس» دەگەن ءسوز «جەتى» دەگەن سوزبەن اۋىستىرىلسىن», دەلىنگەن قۇجاتتا.
ەلدىڭ قازىرگى كونستيتۋتسياسى 128 باپتان تۇرادى. رەفەرەندۋمعا ۇسىنىلعان زاڭ جوباسى بويىنشا سونىڭ 64-ىنە وزگەرتۋلەر مەن تولىقتىرۋلار ەنگىزىلىپ, 6 جاڭا باپ قوسىلماق.
«پارلامەنت ازىرلەگەن جوبانى جالپىحالىقتىق تالقىلاۋدا قاراستىرىپ, ونى رەفەرەندۋم ارقىلى قابىلداۋدى ۇسىنامىن», دەگەن ەدى شاۆكات ميرزيەەۆ.
