الەم • 25 ماۋسىم، 2022

پولشادا قازاقستاننىڭ قۇرمەتتى كونسۋلدىعى اشىلدى

66 رەت كورسەتىلدى

ديپلوماتيالىق قارىم-قاتىناستىڭ 30 جىلدىعى اياسىندا پولشانىڭ بەلوستوك قالاسىندا قازاقستان رەسپۋبليكاسىنىڭ قۇرمەتتى كونسۋلدىعى اشىلدى، دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

بەلوستوكتاعى جوعارى ەكونوميكا مەكتەبىنىڭ رەكتورى، وڭىرلىك دامۋ اگەنتتىگى باقىلاۋ كەڭەسىنىڭ توراعاسى، پروفەسسور الەكساندر پروكوپيۋك قۇرمەتتى كونسۋل بولىپ تاعايىندالدى.

«قازاقستان ورتالىق ازياداعى الەۋمەتتىك-ەكونوميكالىق وزگەرىستەردىڭ ءسوزسىز كوشباسشىسى جانە وسى وڭىردەگى ەڭ تۇراقتى مەملەكەت رەتىندە تانىلدى. ەل بيلىگى كاسىپكەرلەردى ەكونوميكانىڭ ءتۇرلى سالالارىنا، اتاپ ايتقاندا اۋىل شارۋاشىلىعىنا، اقپاراتتىق تەحنولوگيالارعا، فارماتسەۆتيكا ونەركاسىبىنە جانە جاڭارتىلاتىن ەنەرگيا كوزدەرىنە ينۆەستيتسيا تارتۋعا ىنتالاندىرادى. قازاقستان شەتەلدىك ينۆەستورلاردى، سونداي-اق ەلدەگى شەتەلدىك كاپيتالى بار كومپانيالاردى قورعاۋ ءۇشىن قاجەتتى شارالاردى قابىلداپ جاتىر. ەل ۇكىمەتى ەكونوميكانى دامىتۋعا باعىتتالعان ساياساتتى جۇرگىزىپ كەلەدى، كەلەشەكتە قازاقستان الەمنىڭ ەڭ دامىعان 30 ەلىنىڭ قاتارىنا كىرۋدى جوسپارلاپ وتىر. ءوز تاراپىمنان قازاقستان مەن پولشا اراسىنداعى ەكىجاقتى قارىم-قاتىناستاردى نىعايتۋعا بار كۇش-جىگەرىمدى سالامىن»، دەدى ول.

وكىلدىكتىڭ اشىلۋ راسىمىنە قازاقستان ەلشىسى ءالىم قيراباەۆ، جەرگىلىكتى وبلىستىق اكىمشىلىكتىڭ باسشىلارى – مارشالوك ارتۋر كوسيتسكي جانە ۆوەۆودا بوگدان پاشكوۆسكي، ەۋروپارلامەنت دەپۋتاتى كارول كارسكي، پولشا ءسىم شىعىس دەپارتامەنتىنىڭ ديرەكتورى ميحال گرودزكي، قازاقستان، فينليانديا، بولگاريا، حورۆاتيا، بوسنيا جانە گەرتسەگوۆينانىڭ قۇرمەتتى كونسۋلدارى، جوعارى وقۋ ورىندارىنىڭ رەكتورلارى مەن پروفەسسورلارى، سونداي-اق وڭىردەگى ىسكەرلىك توپتار جانە باق وكىلدەرى قاتىستى.

ەلشى ءالىم قيراباەۆ ءوز سوزىندە قازاقستاندا جۇزەگە اسىرىلىپ جاتقان جۇيەلى رەفورمالار اياسىندا قۇرمەتتى كونسۋلدىق قىزمەتى ساياسي، ەكونوميكالىق جانە مادەني-گۋمانيتارلىق سالالارداعى قازاقستان-پولشا ىنتىماقتاستىعىنىڭ دامۋى مەن كەڭەيۋىنە ودان ءارى سەرپىن بەرەتىنىن اتاپ ءوتتى. نەگىزگى جۇمىس قازاقستان ازاماتتارىنا كومەك كورسەتۋگە جانە ولاردىڭ قۇقىقتارى مەن مۇددەلەرىن قورعاۋدى قامتاماسىز ەتۋگە، سونداي-اق قازاقستان مەن پولشا وڭىرلەرىنىڭ ءوزارا ءىس-قيمىلىن دامىتۋعا باعىتتالادى.

پولشا سىرتقى ىستەر مينيسترلىگىنىڭ وكىلى ميحال گرودزكي قازاقستان پولشانىڭ ورتالىق ازياداعى ماڭىزدى ەكونوميكالىق سەرىكتەستەرىنىڭ ءبىرى بولىپ تابىلاتىنىن اتاپ ءوتتى، سونداي-اق ەلىمىز جۇرگىزىپ جاتقان اۋقىمدى رەفورمالاردى جۇزەگە اسىرۋدا پولياك تاراپىنىڭ قولداۋىن جەتكىزدى.

جەرگىلىكتى وبلىستىق اكىمشىلىكتىڭ باسشىلارى قۇرمەتتى كونسۋلدىق جالپى پولشا مەن قازاقستان اراسىنداعى جانە جەكە وڭىرلەر اراسىنداعى مادەني-گۋمانيتارلىق، ەكونوميكالىق بايلانىستاردى دامىتۋ ءۇشىن پەرسپەكتيۆالار اشاتىنىن اتاپ ءوتتى.

قۇرمەتتى كونسۋلدىقتىڭ بۇل قالادا ورنالاسۋى كەزدەيسوق ەمەس. گەوگرافيالىق جاعدايىنا بايلانىستى بەلوستوك – پولشانىڭ شىعىسىنداعى ەڭ ءىرى كولىك ورتالىعى، سونىمەن قاتار پودلياسك ۆوەۆودالىق ايماعىنىڭ ماڭىزدى مادەني ورتالىعى. بەلوستوكتاعى قۇرمەتتى كونسۋلدىقتىڭ قاراۋىنداعى پودلياسك جانە ليۋبلين جوعارى وقۋ ورىندارىندا 200-دەن استام قازاقستاندىق ستۋدەنت ءبىلىم الىپ جاتىر.

قازىرگى ۋاقىتتا پولشادا گدانسك، ۆروتسلاۆ، كراكوۆ، كاتوۆيتسە جانە بەلوستوك قالالارىندا قازاقستان رەسپۋبليكاسىنىڭ 5 قۇرمەتتى كونسۋلدىعى بار.

ايانا توعانبەك

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار