سپورت • 24 ماۋسىم، 2022

قوستانايدا VII «بۇقارالىق سپورت وليمپياداسى» اياقتالدى

26 رەت كورسەتىلدى

بۇگىن قوستاناي قالاسىندا VII حالىق سپورتى ويىندارى اياقتالدى، دەپ حابارلايدى Egemen.kz.

بۇقارالىق سپورت وليمپياداسى اتالىپ كەتكەن باسەكەدە سوڭعى بولىپ قول كۇرەس پەن شاعىن فۋتبول شەبەرلەرى كىم مىقتىنى انىقتادى.

توپ جارعان كوماندا مەن جۇلدەگەرلەردى ماراپاتتاۋ راسىمىنە رەسپۋبليكالىق سپورتتى دامىتۋ ديرەكتسياسى بۇقارالىق سپورت تۇرلەرى باسقارماسىنىڭ باسشىسى عازيز سەرىكباەۆ، قوستاناي وبلىسى سپورت جانە دەنە شىنىقتىرۋ باسقارماسىنىڭ باسشىسىنىڭ ورىنباسارى ەلەنا كيرەەۆا قاتىستى.

«بۇگىندە بۇل كەشەندى باسەكە سپورتتىڭ بۇقارالىق سيپات الۋىنا كوپ ۇلەس قوستى دەۋگە بولادى. ءار وبلىستىڭ، قالانىڭ تۇكپىر-تۇكپىرىندە ىرىكتەۋ ءوتىپ، حالىق اراسىندا كەڭ تانىلىپ ۇلگەردى. بيىل وسى كەزەڭدەردەن سۇرىنبەي وتكەن 1200-دەن استام سپورتشى وسىندا ءوز وبلىسىنىڭ نامىسىن ابىرويمەن قورعادى. تارتىسقا تولى جارىستاردا ەل ىشىنەن شىققان تاڭداۋلى سپورتشى ەكەنىن پاش ەتتى. بۇعان وسىندا جينالعان ءسىز بەن ءبىز كۋا بولدىق.

وسى تۇستا بيىلعى كەشەندى جارىستى جوعارى دەڭگەيدە ۇيىمداستىرعان قوستاناي وبلىسى اكىمدىگىنە، سونىڭ ىشىندە وبلىستىق سپورت باسقارماسىنا ەرەكشە العىس ايتامىن. ەندى 4 جىلدان كەيىن 8-ءشى حالىق سپورتى ويىندارىن تۇركى الەمىنىڭ رۋحاني استاناسى تۇركىستان قابىلدايدى. جاس وبلىس وسى مەجەدەن تۇسپەي، جارىستىڭ مارتەبەسىن ارتتىرا تۇسەدى دەپ سەنەمىز»، دەدى عازيز سەرىكباەۆ.

ايتا كەتەيىك، قوستانايداعى حالىق سپورتى ويىندارىنا 17 كوماندانىڭ 1200-دەن استام سپورتشىسى قاتىستى. ولار 10 كۇن بويى 9 سپورت ءتۇرى – شاعىن فۋتبول، باسكەتبول (3ح3)، ۆولەيبول (ەرلەر، ايەلدەر)، ۇستەل تەننيسى، قازاق كۇرەسى، اسىق اتۋ، توعىزقۇمالاق، گىر سپورتى مەن قول كۇرەستەن سىنعا ءتۇستى. سونداي-اق ءار وڭىردەن كەلگەن 200-گە جۋىق تورەشى باسەكەلەردىڭ بارىنشا ءادىل وتۋىنە ات سالىستى.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار