ەكونوميكا • 23 ماۋسىم، 2022

مۇناي ەكسپورتى ازايمايدى

681 رەت كورسەتىلدى

ەنەرگەتيكا مينيسترلىگى رەسەيلىكتەردىڭ كەنەتتەن قارا تەڭىز تابانىنان جارىلعىش زاتتار ىزدەپ كەتۋى قازاقستاننان كاسپي قۇبىر كونسورتسيۋمى ارقىلى شىعاتىن مۇناي كولەمىن ازايتپايدى دەيدى. بىرىنشىدەن، بىزدە قاشاعان كەن ورنى ۋاقىتشا جۇمىس ىستەپ تۇرعان جوق. ياعني مۇناي وندىرمەيدى. سوندىقتان كقك-دە جالقى ايلاقتىق قۇرىلعىنىڭ (نەگىزى كقك-دە 3 ايلاقتىق قۇرىلعى بار) جۇمىس ىستەپ تۇرعانى دا بىزگە مولىنان جەتكىلىكتى.

ساراپشىلار دەرەگىنشە، ءبىر ايلاقتىق قۇرىلعىنىڭ ءوزى تانكەرلەرگە مۇنايدىڭ 50 پايىزىن تيەي الادى. بۇل دەگەنىڭىز – تاۋلىگىنە تاسىمالدانۋعا ءتيىس 1،3 ملن باررەلدىڭ 650 مىڭ باررەلى. ەگەر مولشەرى 10 پايىز بولاتىن رەسەيلىك مۇنايدى الىپ تاستاساق، تاۋلىگىنە جىبەرىلەتىن قازاق مۇنايىنىڭ كولەمى 600 مىڭ باررەل بولادى.

«قاشاعانداعى ماكسيمالدى مۇناي ءوندىرىسى – تاۋلىگىنە 400 مىڭ بار­رەل نەمەسە 50 مىڭ توننا. مۇ­ناي ءوندىرىسىنىڭ تومەندەگەنىن iacng.kz سايتىنان («مۇناي جانە گاز اقپاراتتىق تالداۋ ورتا­لى­عى» اق – رەد.) دا كورۋگە بولادى. ەگەر قازىر قازاقستان مۇناي ءوندى­رى­سىن توقتاتقىسى كەلمەسە، وندا تاۋ­­لىگىنە 200 مىڭ باررەلدى باسقا مار­­شرۋتتارعا قايتا باعىتتاۋى كەرەك»، دەپ جازادى Energy Analytics.

قازىر ەلىمىزدەگى تاۋلىكتىك مۇناي ءوندىرىسىنىڭ كولەمى – 200 مىڭ توننا. قازىر قازاق مۇنايى­نىڭ 82،65 پايىزى – كقك، 11،25 پايىزى – «اتىراۋ-سامارا»، 3،01 پايىزى – اقتاۋ تەڭىز پورتى، 2،59 پايىزى – «اتا­سۋ-الاشانكوۋ»، 0،49 پايىزى تەمىرجول ارقىلى ەكسپورتتالادى.

«كقك ارقىلى تاسىمال تاۋ­لىگىنە 141 مىڭنان 124 مىڭ تون­ناعا دەيىن نەمەسە 12 پايىزعا تومەن­دەدى. ءتىپتى قاشاعانداعى جون­دەۋ جۇمىستارىن ەسەپكە الما­عان­دا. قۋانىشقا وراي، بۇل جالپى ەكسپورت كولەمىنە اسەر ەتە قوي­مايدى»، دەيدى مۇناي-گاز سالاسى­نىڭ ساراپشىسى ابزال نارىمبەتوۆ. 

تاعى ءبىر ساراپشى نۇرلان جۇماعۇلوۆتىڭ ايتۋىنشا، مۇناي تاسىمالداۋدا كقك ەڭ وپتيمالدى نۇسقا بولىپ قالا بەرەدى جانە وعان بالاما ويلاپ تابۋ مۇمكىن ەمەس.

«كاسپي قۇبىر كونسورتسيۋمى – تەڭىزگە اپاراتىن ەڭ جىلدام مارشرۋت جانە ءتاريفى دە ىڭعايلى (تونناسىنا 38 دوللار). ينۆەستورلار قۇبىردى 67-دەن 83 ملن تونناعا دەيىن كەڭەيتكىسى كەلىپ وتىر. بالاما رەتىندە باكۋ-تبيليسي-جيھان مارشرۋتىن قاراستىرىپ كورەيىكشى: اتىراۋدان اقتاۋعا دەيىنگى لوگيستيكا – تونناسىنا 30 دوللار; تەڭىز بويىنشا فراحت – تونناسىنا 19 دوللار; باكۋدە جۇكتى اۋىستىرۋ – تونناسىنا 8 دوللار; قۇبىر بويىنشا تاريف – تونناسىنا 32 دوللار. ناتيجەسىندە، تونناسىنا 90 دوللار. قىمبات جانە ۇزاق مارشرۋت. ايتپەسە، جالپى قۋاتتىلىعى جىلىنا 60 ملن توننانى قۇرايتىن قۇبىردىڭ 45 پايىزى عانا تولتىرىلعان. بالاما رەتىندە باكۋ-تبيليسي-جيھانعا ترانزيتتىك مۇناي سانگاچلى تەرمينالى ارقىلى تۇسەدى. بۇل مارشرۋت بويىنشا مۇناي ساپاسى جوعارى (Brent-تەن 3-4 دوللارعا قىمبات)، قازاقستاننىڭ كەز كەلگەن مۇنايى ساي كەلە بەرمەيدى. ەڭ باستىسى، كاسپيدىڭ بورلانۋىنا بايلانىس­تى تانكەرلەر 10 مىڭ توننادان عانا تيەيدى»، دەيدى ساراپشى.

ەسكە سالايىق، قاشاعاندا جوندەۋ جۇمىستارى بيىل 1 ماۋ­سىمدا باستالدى. كەن ورنى 15 شىل­دەدە جۇمىسىن قايتا باس­تاۋعا ءتيىس. تاعى ءبىر ماڭىزدى مۇ­­ناي ءوندىرۋشى – «تەڭىز» جون­دەۋ جۇمىستارىن 1 تامىز – 1 قىر­­كۇيەك ارالىعىندا جۇرگىزبەك. سو­عان بايلانىستى تاۋلىكتىك ءوندىرىس 65،7 مىڭ تونناعا دەيىن ازايادى. قازىرگى ءوندىرىس دەڭگەيى – 81 مىڭ توننا.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار