«اقمولا وبلىسىنداعى بىرنەشە اۋىل مەكتەبىن ارالادىم. بۇل مەكتەپتەردىڭ جاعدايى, ءتارتىبى, تازالىعى, جابدىقتالۋى, باسشىلاردىڭ تاپسىرمالار مەن ءوز مىندەتتەرىن ءتۇسىنۋى سياقتى ماسەلەلەر كوڭىل كونشىتپەيدى. جۇمىس مەكتەپ باسشىلارى دەڭگەيىندە دۇرىس جۇرگىزىلىپ وتىرعان جوق. سونىمەن قاتار مەكتەپ كىتاپحانالارىنىڭ جۇمىسى دا تالاپقا ساي ەمەس. بۇل اكىمگە, باسقارما باسشىسىنا ەمەس, ديرەكتوردىڭ جۇمىسىنا بايلانىستى.
جۇمىس ساپارلارى كەزىندە مەكتەپتەردەن ۇلگى الارلىق جۇمىستاردى دا, كەمشىلىكتەردى دە بايقايمىن.
ەندى جۇمىستىڭ جاعىمدى بولىگىنە دە توقتالايىن. رەسپۋبليكالىق «جاس مامان» جوباسى بويىنشا جابدىقتالعان اقمولا وبلىسىنىڭ جوعارى تەحنيكالىق كوللەدجىندە بولدىم. ماتەريالدىق-تەحنيكالىق جاعىنان ءتيىستى دەڭگەيدە جابدىقتالعان. تۇلەكتەردىڭ جۇمىسقا ورنالاسۋى مەن جۇمىسپەن قامتىلۋى 97%.
ۇجىمنىڭ ماقتاۋعا تۇرارلىق جۇمىسىن دا ەلەمەۋگە بولمايدى. وندىرىستىك وقىتۋ شەبەرلەرى جانە ارنايى ءپان وقىتۋشىلارى ءوز جۇمىسى مەن مىندەتىن بىلەدى. جۇمىس بەرۋشىلەرمەن تىعىز بايلانىس ورناتىلعان. قاڭتار مەن ناۋرىز ارالىعىندا ستۋدەنتتەر شەتەلدىك كومپانيالاردا اقىلى وندىرىستىك تاجىريبەدەن وتكەن. سونىمەن بىرگە جۇمىس بەرۋشىلەردىڭ قاتىسۋىمەن دەمو-ەمتيحاندار دا وتكىزىلەدى. ونىمەن قوسا, كوللەدجدە پراكتيكالىق ساباقتاردا وندىرىلگەن ونىمدەردى ساتۋ جۇمىستارى جولعا قويىلعان»,-دەيدى مينيستر.
سونىمەن قاتار ول ششۋچينسك قالاسىنداعى جاڭا ء«بىلىم-يننوۆاتسيا» IT ليتسەيىندە دە بولعانىن ايتتى.
مەكتەپتىڭ پەداگوگيكالىق قۇرامىنىڭ ساپاسى, ماتەريالدىق-تەحنيكالىق بازاسى, ساپالى جۇمىسى مەن اۋقىمدى جوسپارلارى كوڭىلدەن شىقتى. مۇندا وقىتۋ پروتسەسىنە ستاندارتتى تۇردە ەمەس, شىعارماشىلىق تاسىلدەر ارقىلى قارايدى, ونىمەن قوسا, ەڭ باستىسى ءوز ىسىنە شىن ىقىلاسپەن قارايتىن مۇعالىمدەردىڭ بارى قۋانتتى.
«ارىپتەستەرىمىز ءبىلىم بەرۋ باعدارلامالارىنا, ءىت ليتسەيلەردىڭ ۇلگىلەرىنە ءوز ۇسىنىستارىن دايىنداۋعا كەلىسىمىن بەردى. ال ءبىز الداعى ۋاقىتتا سوعان قاتىستى ءتيىستى شەشىم قابىلدايمىز. وسى ءبىلىم بەرۋ ۇيىمىنىڭ بارلىعىنا تاپسىرمالار بەرىپ, ولاردى ورىنداۋ مەرزىمدەرىن بەلگىلەدىم»,-دەپ جازدى اسحات ايماعامبەتوۆ.
