ۇكىمەت وتىرىسىنان كەيىن جۋرناليستەردىڭ ساۋالىنا جاۋاپ بەرگەن مينيستر باقىت سۇلتانوۆ الەۋمەتتىك ماڭىزدى 6 تاۋار بويىنشا يمپورتقا تاۋەلدىلىك بار ەكەنىن ەسكە سالدى.
«بىزدە تاۋاردىڭ التى ءتۇرى بويىنشا يمپورتقا تاۋەلدىلىك بار. نەگىزگى تاۋارلار جەتپەي قالمايدى. يمپورتقا تاۋەلدىلىكتى شەكتەۋگە ارنالعان ارنايى باعدارلامامىز بار. بىزدە ەكسپورتقا تاۋەلدى تاۋارلار دا بار. مىسالى بيداي ءبىز ءۇشىن سونداي تاۋار. سىرتقى نارىقتا باعا قىمباتتاسا, ءوز ىشىمىزدە دە قىمباتتايدى», دەدى ۆەدومسۆتو باسشىسى.
ونىڭ سوزىنە قاراعاندا, قانت سياقتى الەۋمەتتىك ماڭىزى بار تاۋارلاردىڭ باعاسىن الەۋمەتتىك-كاسىپكەرلىك كورپوراتسيالار ارقىلى تۇراقتاندىرۋ جۇمىسى جۇرگىزىلىپ جاتىر. ال كەيبىر تاۋارلاردىڭ باعاسى «قارجى اينالىمى» تەتىگى ارقىلى بويىنشا تۇراقتاندىرىلعان.
«دەگەنمەن ازىق-ت ۇلىكتىڭ كەي ءتۇرى, مىسالى, قانت بويىنشا ايتساق, ءبىز قالاساق تا, قالاماساق تا باعا وسەدى. ويتكەنى بۇكىل الەم بويىنشا بيرجاداعى باعا كوتەرىلىپ بارادى. بىزگە نەگىزگى قانت جەتكىزۋشى رەسەيدىڭ ءوزى تاسىمالدى توقتاتقاندىقتان, بۇل احۋال بىزگە اسەر ەتۋدە. لوگيستيكا شىعىندارى بۇكىل الەمدە ءوستى», دەدى باقىت سۇلتانوۆ.
ايانا توعانبەك
