وبلىستىق ىشكى ساياسات باسقارماسى باسشىسىنىڭ ورىنباسارى التىنبەك احمەتوۆتىڭ ايتۋىنشا, «جاسىل ەل» جاستار ەڭبەك جاساعى جوباسىن ىسكە اسىرۋ ءۇشىن «جەتى جارعى» قوعامدىق قورىمەن كەلىسىمشارت جاسالعان. جوباعا تارتىلعان جاستار كوگالداندىرۋ, اباتتاندىرۋ, قۇرىلىس باعىتىمەن ۋاقىتشا ماۋسىمدىق جۇمىستى اتقارادى.
– «جاسىل ەل» جوباسىنا جەرگىلىكتى بيۋدجەتتەن 138 ملن 700 مىڭ تەڭگە ءبولىندى. جۇمىس ىستەگەن جاستارعا 65 مىڭ تەڭگە جالاقى تولەنەدى. ارناۋلى لوگوتيپى بار كيىم جابدىعىمەن قامتىلادى. بۇل جوباعا وڭىردەگى جوعارى وقۋ ورىندارىنىڭ, تەحنيكالىق, كاسىپتىك ءبىلىم بەرۋ كوللەدجدەرىنىڭ ستۋدەنتتەرىن, جۇمىسسىز, NEET ساناتىنداعى, قالا ماڭى مەن اۋداندارداعى ەلدى مەكەندەردە تۇراتىن جاستاردى قاتىستىرۋ كوزدەلىپ وتىر. ەڭبەك جاساعىنىڭ جۇمىس مەرزىمى 1 ماۋسىمنان 31 تامىزعا دەيىن جالعاسادى, – دەيدى التىنبەك احمەتوۆ.
قۇرىلىس جۇمىستارىنا 300 جاس, ال 1 400-دەن استامى كوگالداندىرۋ مەن تازالىق جۇمىستارىنا بولىنەدى. ءار جاس ءبىر اي جۇمىس ىستەيدى. ماسەلەن, 18 جاسقا دەيىنگى جاستارعا – 36, 18 جاستان اسقاندارعا 40 ساعات جۇمىس ىستەۋگە رۇقسات بەرىلەدى. جوبا اياسىندا 1 مىڭ جەمىس كوشەتىن ەگۋ, جايىق وزەنىنىڭ جاعالاۋىن قوقىستاردان تازالاۋ, بالالارعا ارنالعان ويىن الاڭدارىن قالپىنا كەلتىرۋ, اكتسيالار مەن سەنبىلىكتەر ۇيىمداستىرۋ جوسپارلانىپ وتىر.
اتىراۋ وبلىسى
