اقش-تىڭ وڭتۇستىك-باتىسىنداعى نيۋ-مەكسيكو شتاتىنداعى ورمان ءورتى وسى ۋاقىتقا دەيىن 1380 شارشى شاقىرىمدى جايپاپ ۇلگەردى.
«شەنەۋنىكتەر نيۋ-مەكسيكوداعى قۇرعاق اۋا رايى جاعدايىن جەتە باعالاماعاندىقتان, ورمان ءورتى قاۋپىن ازايتۋ ءۇشىن ءورتتى جوسپارلاۋدا بىرنەشە قاتەلىكتەر جىبەردى», دەلىنگەن اقش ورمان قىزمەتىنىڭ حابارلاماسىندا.
ءورتتى جىلدام سوندىرۋگە سۋ رەسۋرستارىنىڭ جەتىسپەۋشىلىگى دە سەبەپ بولىپ وتىر. سالدارىنان جۇزدەگەن ءۇي ورتەنىپ, مىڭداعان ادام ەۆاكۋاتسيالاندى.
نيۋ-دجەرسيدەگى ورمان ءورتى دە ەلدى ابىگەرگە سالىپ وتىر. نيۋ-دجەرسيدىڭ وڭتۇستىگىندە تۇتانىپ جاتقان ورمان ءورتى شتاتتاعى سوڭعى 15 جىلداعى ەڭ ءىرى ءورت رەتىندە تىركەلگەن.
