جارىستى ەكىنشى اينالىمنان باستاعان پۋتينتسەۆا الەمنىڭ 40-راكەتكاسى يسپانيالىق سارا سورريبەس-تورمومەن شەبەرلىك بايقاسىپ, تارتىستى وتكەن ءبىرىنشى پارتيادا يۋليا 7:5 ەسەبىمەن باسىم ءتۇستى. ەكىنشى سەتتە دە وتانداسىمىز قارسىلاسىنا ەش مۇمكىندىك قالدىرماي, 6:1 ناتيجەسىمەن جەڭىسكە جەتتى. پۋتينتسەۆا شيرەك فينالعا شىعۋ ءۇشىن الەمنىڭ 5-راكەتكاسى گرەكيالىق ماريا ساككاري نەمەسە دۇنيەجۇزىلىك رەيتينگتە 36-ورىندا تۇرعان ۋكراينالىق انگەلينا كالينينانىڭ بىرەۋىمەن تالاسادى.
سونداي-اق قازاقستاننىڭ ءبىرىنشى, الەمنىڭ 21-راكەتكاسى ەلەنا رىباكينا وسى ءتۋرنيردىڭ ەكىنشى اينالىمىندا رەيتينگتە 114-ساتىداعى ۋكراينالىق لەسيا تسۋرەنكومەن كەزدەسەدى. ال ەرلەر اراسىنداعى ەلىمىزدىڭ ءبىرىنشى راكەتكاسى الەكساندر بۋبليك يستبورن اتر 250 ءتۋرنيرىنىڭ ەكىنشى اينالىمىندا الەمنىڭ 86-راكەتكاسى, Astana Open 2020 جارىسىنىڭ چەمپيونى اۋستراليالىق دجون ميللمانمەن شەبەرلىك بايقاسادى. بۋبليك ءبىرىنشى كەزەڭدە امەريكالىق فرەنسيس تيافودان ءۇش سەتتە باسىم ءتۇستى – 7:5, 7:6 (7:4), 6:0.
