«اسىل تۇقىمدى مال شارۋاشىلىعىن دامىتۋدى, مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ قاعيداسىنا تاعامدىق جۇمىرتقانى سۋبسيديالاۋدى قوسۋ تۋرالى وزگەرىستەر مەن تولىقتىرۋلار ەنگىزىلدى», دەلىنگەن حابارلامادا.
قاعيدا 2022 جىلدىڭ 30 ماۋسىمىندا رەسمي جاريالانعاننان كەيىن, 10 كۇنتىزبەلىك كۇن وتكەن سوڭ قولدانىسقا ەنگىزىلەدى.
وسىلايشا, وتاندىق جۇمىرتقا باعىتىنداعى قۇس فابريكالارى 1 شىلدەدەن باستاپ ءبىر جۇمىرتقا ءۇشىن 3 تەڭگە مولشەرىندە سۋبسيديا الۋعا ءوتىنىم بەرە الادى.
بيىل تاعامدىق جۇمىرتقانى سۋبسيديالاۋعا رەسپۋبليكالىق بيۋدجەتتەن 6,5 ميلليارد تەڭگە ءبولىندى.
2021 جىلى جۇمىرتقا قۇس شارۋاشىلىعىن قولداۋعا 4,3 ميلليارد تەڭگە باعىتتالدى.
2022 جىلعى 1 مامىرداعى جاعداي بويىنشا وتكەن جىلدىڭ سايكەس كەزەڭىمەن سالىستىرعاندا قازاقستاندا قۇس سانى 3,7% – 47,1 ميلليون باسقا دەيىن ءوستى.
تاۋىق جۇمىرتقاسىنىڭ ءوندىرىسى 12,1% ارتىپ, 1559,5 ميلليون دانانى قۇرادى.
ىشكى نارىق تاعامدىق جۇمىرتقامەن 100% قامتاماسىز ەتىلەدى.
