بۇل ساموكاتتاردى قوسىمشادا بەلگىلەنگەن ۆيرتۋالدى تۇراقتا عانا قالدىرۋعا بولادى. وسىلايشا, كومپانيا كولىك مودەلىندەگى كيكشەرينگتى دامىتا وتىرىپ, بۇكىل قالادا ۆيرتۋالدى اۆتوتۇراقتاردىڭ تىعىز جەلىسىن جاساقتاپ وتىر. زىرلاعان ساموكاتتار قوعامدىق كولىك ينفراقۇرىلىمىن تولىقتىرادى جانە قالا تۇرعىندارىنا ءتىپتى قاربالاس ساتتەرگە بەيىمدەلۋگە مۇمكىندىك بەرەدى. اۆتوتۇراقتار ءبىر-بىرىنە جاقىن ورنالاسقان جانە تۇرعىن اۋدانداردى دا, قالا ورتالىعىن دا قامتيدى. ساموكاتتاردىڭ جىلدامدىعى ساعاتىنا 25 شاقىرىمعا دەيىن شەكتەلگەن, ال ءاربىر پايدالانۋشى العاشقى ساپار الدىندا ارنايى نۇسقاۋلىقتان وتۋگە ءتيىس.
نەگىزگى تاريف بويىنشا ساپار 120 تەڭگەدەن باستالىپ, مينۋتى – 40 تەڭگە بولماق. ساياحات قۇنى ديناميكالىق باعا الگوريتمى بويىنشا وزگەرۋى مۇمكىن. بۇل سۇرانىسقا, ساموكاتتار سانىنا, قۋاتى مەن باسقا ولشەمدەرىنە تاۋەلدى. ءوز تاراپىنان Whoosh كوشەدەگى تارتىپپەن قوسا, ساموكاتتاردىڭ جاياۋ جۇرگىنشىلەر مەن باسقا قوزعالىس تۇرلەرىنە كەدەرگى جاساماۋىن قاداعالايدى. سوندىقتان وسى قىزمەتتىڭ ساموكاتىمەن ساپاردى قوسىمشادا «ر» بەلگىسىمەن بەلگىلەنگەن ارنايى نۇكتەلەردە عانا اياقتاۋعا بولادى. ۆيرتۋالدى تۇراقتار ساموكاتتار جاياۋ جۇرگىنشىلەر مەن اۆتوموبيلدەردىڭ قوزعالىسىنا كەدەرگى كەلتىرمەيتىندەي ەتىپ ورنالاستىرىلعان. كومپانيا قالا اكىمدىگىمەن كەلىسىم بويىنشا ۆيرتۋالدى تۇراق ورىندارىنا بەلگى قويۋدى جوسپارلاپ وتىر. سول سياقتى Whoosh كومانداسى تاۋلىك بويى ساموكات قۋاتتانىپ, جۇمىس ىستەپ تۇرعانىنا كوز جەتكىزىپ, بىرەۋى تۇراققا دۇرىس تۇرماي قالسا, بىركەلكى ورناتىپ وتىرادى.
الماتىدا ەلەكتروساموكاتتارعا ارنالماعان, ادامدار كوپ سەرۋەندەيتىن جەرلەردە جۇرۋگە تىيىم سالىنعان ايماقتار دا بار. ماسەلەن, تۇڭعىش پرەزيدەنت اتىنداعى ساياباقتا جانە بوتانيكالىق باقتا ساموكاتپەن جۇرۋگە بولمايدى. ساموكاتتار تىيىم سالىنعان ايماققا كىرگەندە, قۇرىلعى ارنايى دىبىستىق سيگنال شىعارادى جانە توقتايدى.
قالادا جىلجۋدىڭ جاڭا ءتۇرى پايدا بولعان كەزدە, ساموكاتتاردى باسقارۋ مادەنيەتىن دامىتۋ ءۇشىن ونلاين جۇرگىزۋ مەكتەبى ىسكە قوسىلدى. وقۋدان كەيىن پايدالانۋشى تەست تاپسىرىپ, جەڭىلدىك ءۇشىن جارنامالىق كود تۇرىندە جاعىمدى بونۋس الادى.
وسى ۋاقىتقا دەيىن ۇلكەن مەگاپوليستەردە 8 ملن-نان استام ادام Whoosh ساموكاتتارىن كۇن سايىن پايدالانىپ كەلسە, ەندى ولار الماتىلىقتارعا قولجەتىمدى بولدى. قىزمەتتىڭ ءبىرىنشى كەزەكتەگى مىندەتى – ساموكاتتاردى باسقارۋ مادەنيەتىن قالىپتاستىرۋ جانە ولاردىڭ قالا كوشەلەرىنە قاتىسۋىن رەتتەۋ.
«ساموكاتتار قىسقا قاشىقتىق ءۇشىن ۋاقىتتى ايتارلىقتاي ۇنەمدەيدى. بۇل, اسىرەسە الماتى سياقتى مەگاپوليستەر جاعدايىندا وزەكتى. بۇكىل الەمدە اۋانىڭ لاستانۋى وزەكتى بولىپ وتىرعاندا كولىكتىڭ بالاما, ەكولوگيالىق تازا تۇرلەرىن دامىتۋ بۇل ماسەلەنى ءىشىنارا شەشۋگە كومەكتەسەدى دەپ ۇمىتتەنەمىز. كليماتتىق جاعدايلار الماتىدا جىل بويى ميكروموبيلدى كولىكتى پايدالانۋعا مۇمكىندىك بەرەدى. سوندىقتان كوپتەگەن پايدالانۋشى ساموكاتتار مەن ۆەلوسيپەدتەردى جاقسى كورەدى. 2021 جىلى ءبىز قىزمەتىمىزدى پايدالاناتىن بارلىق قالالاردا 4 مىڭ توننا كومىرقىشقىل گازىن ۇنەمدەدىك», دەيدى Whoosh قىزمەتىنىڭ نەگىزىن قالاۋشى جانە باس ديرەكتورى دميتري چۋيكو.
تەحنيكالىق تۇرعىدان كەلسەك, ءاربىر ساموكات ءوزىنىڭ Whoosh IoT مودۋلىمەن جابدىقتالعان, ول ساموكاتتاردى تولىق باقىلاۋعا, مىسالى, ورنالاسقان جەرىن, قۋات دەڭگەيىن باقىلاۋعا, ناقتى ۋاقىتتاعى ساپار, جول توسەمىنىڭ ساپاسى تۋرالى اقپارات الۋ, ۇرلانعان كەزدە بلوكتاۋ نەمەسە بۇزىلىپ قالسا جالعا بەرۋدەن باس تارتۋعا مۇمكىندىك بەرەدى.
قورىتا ايتقاندا, وسى قىزمەتتى ىسكە قوسۋ ارقىلى قازاقستاندا نەگىزىنەن باسقارۋشىلىق جانە ينجەنەرلىك-تەحنيكالىق باعىتتاعى جۇمىس ورىندارى, سونداي-اق جەرگىلىكتى مەردىگەرلەرمەن, ونىڭ ىشىندە شاعىن بيزنەس وكىلدەرىمەن تۇراقتى جانە ماۋسىمدىق جۇمىس ىستەۋ ءۇشىن جاعدايلار جاسالماق. مىسالى, Whoosh الماتى ساموكاتتار پاركىنە سەرۆيستىك قىزمەت كورسەتۋ ءۇشىن ماۋسىمدا 100-دەن استام ادام جۇمىلدىرىلۋى مۇمكىن.
الماتى
