پرەزيدەنت • 21 ماۋسىم، 2022

پرەزيدەنت قاتار ەكونوميكالىق فورۋمىنىڭ ارنايى پانەلدىك سەسسياسىنا قاتىستى

22 رەت كورسەتىلدى

مەملەكەت باسشىسى «In Conversation with President Tokayev» اتتى ارنايى پانەلدىك سەسسياعا قاتىستى. جيىنعا «Bloomberg Television» جۇرگىزۋشىسى مانۋس كرەنني مودەراتورلىق جاسادى، دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.

سۇراق-جاۋاپ فورماتىندا وتكەن اشىق تالقىلاۋ بارىسىندا قازاقستان پرەزيدەنتى حالىقارالىق ساياساتتاعى سىن-قاتەرلەر بويىنشا، اسىرەسە ەۋروپادا بولىپ جاتقان گەوساياسي تەكەتىرەستەر اياسىندا رەسەي-ۋكراينا قاقتىعىستارى توڭىرەگىندەگى وقيعالارعا قاتىستى بىرقاتار سۇراققا جاۋاپ بەردى.

ل

رەسەي-ۋكراينا قاقتىعىسىن بەيبىت جولمەن شەشۋ جولدارىنا قاتىستى سۇراققا جاۋاپ بەرگەن قازاقستان پرەزيدەنتى كەلىسسوزدەردى جالعاستىرا بەرۋدىڭ ماڭىزدى ەكەنىن اتاپ ءوتتى. قاسىم-جومارت توقاەۆتىڭ پىكىرىنشە، بۇل قاقتىعىستى شەشۋگە تاراپتاردىڭ ەرىك-جىگەرى قاجەت. سونىمەن قاتار مەملەكەت باسشىسى حالىقارالىق قاۋىمداستىقتاعى پىكىر قايشىلىعى مەن اتالعان ماسەلەنى شەشۋدە بۇۇ قاۋىپسىزدىك كەڭەسىنىڭ قاۋقارسىزدىق تانىتىپ وتىرعانىنا توقتالدى.

«بۇۇ ەشقاشان مۇنداي ىڭعايسىز جاعدايعا تاپ بولعان ەمەس. ءتىپتى «قىرعي-قاباق سوعىس» كەزىندە دە بىرىككەن ۇلتتار ۇيىمىنىڭ بىرلىگى بۇدان الدەقايدا مىعىم ەدى. مەن بۇۇ-نىڭ بولاشاعىنا قاتتى الاڭدايمىن. وسى رەتتە، كوپقىرلى ساياساتقا سەنەمىن. بۇل رەتتە مەن حالىقارالىق قاۋىمداستىقتىڭ بىرلىك تانىتىپ، ىنتىماقتاسا وتىرىپ، ەكى مەملەكەتتىڭ بەيبىت بىتىمگە كەلۋى ءۇشىن وڭ ىقپال ەتۋى كەرەك دەپ سانايمىن»، دەدى مەملەكەت باسشىسى.

پرەزيدەنت رەسەيگە سالىنعان اۋىر سانكتسيالىق ساياسات سالدارىنان قازاقستان قانداي ەكونوميكالىق زارداپ شەگۋى مۇمكىن دەگەن مودەراتوردىڭ سۇراقتارىنا جاۋاپ بەردى.

اشىق اڭگىمە بارىسىندا الەمدىك ەنەرگەتيكا نارىعىندا قالىپتاسقان قازىرگى جاعدايعا، حالىقارالىق ساۋدا ماسەلەسىنە بايلانىستى عالامدىق سىن-قاتەرلەر دە تالقىلاندى.

ايانا توعانبەك

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار