ۇكىمەت • 21 ماۋسىم، 2022

جالاقىنى يندەكستەۋ ينفلياتسيانى جەدەلدەتەدى - ءاليحان سمايىلوۆ

99 رەت كورسەتىلدى

قر پرەمەر-ءمينيسترى ءاليحان سمايىلوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا باعانىڭ وسۋىنە قاراي ايلىقتى يندەكستەۋ مۇمكىندىكتەرى تۋرالى ايتتى، دەپ حابارلايدى Egemen.kz.

«ەڭبەك زاڭناماسى بويىنشا، جۇمىسشىنىڭ ايلىق جالاقىسى ونىڭ بىلىكتىلىگىنە، اتقاراتىن مىندەتىنىڭ اۋىرلىعىنا، ەڭبەك جاعدايىنا قاراي سارالانىپ تاعايىندالادى. جالاقىنىڭ ەڭ جوعارعى شەگى دەگەن ۇعىم جوق. ەڭبەك كودەكسىنىڭ 157-بابى بويىنشا، ەڭبەك شارتىنا قوسىمشا ءوزارا مىندەتتەمەلەر قوسىلىپ، سونىڭ نەگىزىندە ايلىقتى يندەكستەۋ مۇمكىندىگى بار»، دەلىنگەن جاۋاپتا.

دەگەنمەن، ونىڭ ايتۋىنشا، جىلداعى ايلىق ءوسىرۋ شارالارىنىڭ شەگىنەن تىس مولشەردە ەڭبەكاقىنى مىندەتتى نەگىزدە يندەكستەۋ قادامدارى بيۋدجەت پەن جۇمىس بەرۋشىلەرگە قوسىمشا سالماق تۇسىرەدى.

«قوسىمشا يندەكستەۋ شارالارى ينفلياتسيانى ودان بەتەر جىلدامداتۋى مۇمكىن. سونداي-اق جالاقىنى مىندەتتى نەگىزدە يندەكستەۋ ونىمدەر مەن قىزمەتتەردىڭ باعاسى كوتەرەدى. بۇل سوڭىندا قاراپايىم تۇتىنۋشىلاردىڭ قالتاسىنا تىكەلەي اسەر ەتەدى. ال مامانداردىڭ ساناتىنا قاراي اقى تولەۋ سول نارىقتاعى جۇمىسشىلارعا دەگەن سۇرانىس پەن ۇسىنىستىڭ ارا قاتىناسىنا بايلانىستى. ايلىقتى يندەكستەۋ تۋرالى شەشىم كاسىپورىننىڭ قارجىلىق مۇمكىندىگى قاراي قابىلدانۋى كەرەك. مەملەكەتتىك بادارلامالاردا حالىق ءجيى تۇتىناتىن ساناتتارعا كىرگەن ونىمدەر مەن قىزمەتتەردىڭ، جۇمىستاردىڭ باعاسىنىڭ ءوسۋىن تەجەۋ شارالارى قاراستىرىلعان»، دەپ جازادى ۇكىمەت باسشىسى.

ايانا توعانبەك

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار