قازاقستان ەلشىسى ساتىبالدى بۇرشاقوۆ «Keshet Teamim» سۋپەرماركەتىندە ۇيىمداستىرىلعان ارنايى پرەزەنتاتسيا كەزىندە قازاقستان كامپيتتەرىنىڭ ەلدەن تىس جەرلەردە بۇرىننان كەڭىنەن تانىمال ەكەنىن جانە كوپ جىلدان بەرى ءداستۇرلى تۇردە قازاقستاندىق كەڭ داستارحانىن بەزەندىرىپ, ۇلتتىق كادەسىيعا اينالعانىن اتاپ ءوتتى.
«Better Choice» يزرايلدىك ديستريبيۋتورلىق كومپانياسىنىڭ ديرەكتورى ميحايل گولدشتەين قازاقستاندىق تاۋارلاردى يزرايلگە دەيىن جەتكىزۋدىڭ تولىق لوگيستيكالىق تسيكلى شامامەن 30 كۇندى قۇرايتىنىن حابارلادى. كومپانيا يمپورتتالاتىن تاۋارلار جەلىسىن كەڭەيتۋگە جانە جاقىن ارادا ماكارون ونىمدەرى مەن سالقىنداتىلعان سۋسىنداردى ءىرى يزرايلدىك سۋپەرماركەتتەردىڭ سورەلەرىنە جەتكىزۋدى دە ۇيىمداستىرۋعا نيەتتى ەكەنىن اتاپ ءوتتى.
م. گولدشتەين قازاقستاننىڭ تەل-اۆيۆتەگى ەلشىلىگىنە زەرتحانالىق پروتسەدۋرالار ءۇشىن قازاقستاندىق تاۋارلاردىڭ ۇلگىلەرىن الۋعا, سونداي-اق قازاق وندىرۋشىلەرىمەن كەلىسىمشارتتارعا قول قويۋعا كومەك كورسەتكەنى ءۇشىن ريزاشىلىعىن ءبىلدىردى.
