اتاپ ايتقاندا, ەلىمىزدىڭ ءبىرىنشى راكەتكاسى ەلەنا رىباكينا مەن دۇنيەجۇزىلىك رەيتينگتە 33-ورىندا تۇرعان يۋليا پۋتينتسەۆا يستبورن ( ۇلىبريتانيا) WTA 500 تۋرنيرىندە ونەر كورسەتەدى. ولار جارىستى ەكىنشى اينالىمنان باستايدى. سونداي-اق وسى جارىستىڭ جۇپتىق سىنىندا اننا دانيلينا برازيليالىق بەاتريس حادداد مايامەن بىرگە العاشقى اينالىمدا سەربيالىق الەكساندرا كرۋنيچ پەن پولشا وكىلى ماگدا لينەتپەن كەزدەسەدى.
قازاقستاننىڭ ەرلەر اراسىنداعى ءبىرىنشى راكەتكاسى الەكساندر بۋبليك يستبورن ATP 250 جارىسىندا باستاپقى ماتچىن امەريكالىق فرەنسيس تيافومەن وتكىزەدى. الەكساندر نەدوۆەسوۆ جۇپتىق سىندا پاكىستاندىق ايسام كۋرەشيمەن بىرگە ۇلىبريتانيالىقتار دجۋليان كەش – گەنري پاتتەنمەن شەبەرلىك بايقاسادى. ال ميحايل كۋكۋشكين «ۋيمبلدون» ءتۋرنيرىنىڭ ىرىكتەۋ سايىسىندا يتاليالىق لورەنتسو دجۋستينومەن وينايدى.
