«باس پروكۋراتۋرا قاڭتار وقيعالارىنا بايلانىستى قىلمىستىق ىستەردىڭ تەرگەۋ بارىسى تۋرالى مالىمەتتەردى جاريالاپ جاتىر. بەلگىلى بولعانداي, سول قايعىلى كۇندەرى الماتى, شىمكەنت قالالارىمەن اقتوبە, اتىراۋ, الماتى, جامبىل, قىزىلوردا جانە شىعىس قازاقستان وبلىستارىندا قيراتۋ, مەملەكەتتىك وبەكتىلەرى ورتەۋ, م ۇلىكتى جويۋ جانە تەرروريزم اكتىلەرى بولدى», دەدى ول ورتالىق كوممۋنيكاتسيالار قىزمەتىندەگى بريفينگتە.
ونىڭ اتاپ وتۋىنشە, پروكۋراتۋرا ورگاندارىنىڭ قاداعالاۋىندا 5 مىڭنان استام سوتقا دەيىنگى تەرگەپ-تەكسەرۋ بار.
«بۇگىنگى كۇنى ەلىمىزدىڭ ءار وڭىرىندە وسى قىلمىستاردىڭ ۇيىمداستىرۋشىسى رەتىندە 27 ادام انىقتالدى. ولاردىڭ قاتارىندا الماتى اۋەجايىنا شابۋىل جاساپ, «كوكتوبە» تەلەمۇناراسىن باسىپ الۋعا ارەكەت جاساعان تۇلعالار دا بار», دەدى سەرىك شالاباەۆ.
