«قازاقستاندا كەڭ اۋقىمدى «قاراسورا-2022» جەدەل-الدىن الۋ ءىس-شاراسى جالعاسىپ جاتىر. وپەراتسيانى ىشكى ىستەر مينيسترلىگى جىل سايىن 1 ماۋسىمنان 30 قازانعا دەيىن وتكىزەدى. وپەراتسيا باستالعاننان بەرى ەسىرتكى قىلمىسىنىڭ 138 فاكتىسى انىقتالدى. ونىڭ ىشىندە 62-ءسى - ەسىرتكى وتكىزۋ, 15-ءى - اسا ءىرى مولشەردە ەسىرتكى زاتتارىن ساقتاۋ, 43-ءى - قۇرامىندا ەسىرتكى بار تىيىم سالىنعان وسىمدىكتەردى ءوسىرۋ جانە 10-ى ەسىرتكى كونترابانداسىنا قاتىستى», دەدى شۇعىلا تۇرلىبەك.
ونىڭ ايتۋىنشا, زاڭسىز اينالىمنان 383 كەلى ەسىرتكى زاتى تاركىلەندى. ماسەلەن, قاراعاندى وبلىسىنىڭ پوليتسيا قىزمەتكەرلەرى جامبىل وبلىسىنان ەسىرتكى زاتتارىن جەتكىزۋ ارناسىن جويدى. قىلمىستىق توپتىڭ 5 قاتىسۋشىسى ۇستالىپ, ۋاقىتشا ۇستاۋ يزولياتورىنا قۇرىقتالدى. سونداي-اق زاڭسىز اينالىمنان 200 كەلى ماريحۋانا ەسىرتكى زاتى تاركىلەندى.
«تۇركىستان وبلىسىندا جەدەل ءىس-شارالار وتكىزۋ بارىسىندا سارىاعاش اۋدانىندا 1 870 دانا اپيىن كوكنارىن زاڭسىز ءوسىرۋ فاكتىسى انىقتالدى. ال قىزىلوردا وبلىسىنىڭ پوليتسياسى 1 149 ءتۇپ سورا زاڭسىز وسىرىلگەن ەسىرتكى پلانتاتسياسىن انىقتادى. سول جەردە ەسىرتكىنى زاڭسىز ساقتاعانى جانە وسىرگەنى ءۇشىن بۇرىن بىرنەشە رەت سوتتالعان 50 جاستاعى جەرگىلىكتى تۇرعىن ۇستالدى», دەپ قوستى مينيسترلىك وكىلى.
