پاۆلوداردان شىققان جۇك پويىزى تۇرىكمەنستان اۋماعى ارقىلى ءوتىپ, بىرنەشە كۇننەن كەيىن تەگەرانعا كەلدى. ءراسىم بارىسىندا مەملەكەتتەر باسشىلارى پويىزدىڭ ارى قاراي تۇركياعا جونەلتىلۋىنە بەلگى بەردى.
قازاقستان پرەزيدەنتى ەكى ەل ۇكىمەتتەرىنىڭ باسشىلارىنا جانە تەمىرجول جەتەكشىلەرىنە اتالعان جوبانى ازىرلەپ, جۇزەگە اسىرعاندارى ءۇشىن ريزاشىلىعىن ءبىلدىردى.
«KTZ Express» كومپانياسى ۇيىمداستىرعان پيلوتتىق كونتەينەرلىك پويىزدىڭ قۇرامىندا ارقايسىسىنىڭ سالماعى 20 فۋت بولاتىن 48 تىركەمە بار. پويىز 12 كۇندە 6 336 شاقىرىم جولدى باسىپ وتەدى.
جۇكتى اۋىستىرىپ تيەۋدى قاجەت ەتپەيتىن جاڭا ترانسۇلتتىق قاتىناستىڭ ىسكە قوسىلۋى بالاما باعدارلاردى ارتاراپتاندىرۋعا جانە قازاقستان اۋماعى ارقىلى وتەتىن كونتەينەرلىك جۇك تاسىمالىن جەدەلدەتۋگە مۇمكىندىك بەرەدى.
ءىس-شارا سوڭىندا يران پرەزيدەنتىنىڭ اتىنان قازاقستان پرەزيدەنتىنىڭ قۇرمەتىنە ارنالعان رەسمي قابىلداۋ بولدى.
