مەملەكەت باسشىسى ەلدى اۋقىمدى جاڭعىرتۋ اياسىندا ەكونوميكادا مونوپولياسىز جانە سىبايلاس جەمقورلىقسىز جاڭا ويىن ءتارتىبىن قۇرۋ قادامدارى ءجۇرىپ جاتقانىن اتاپ ءوتتى.
وسى ورايدا پرەزيدەنت ءبىرىنشى كەزەكتەگى مىندەت ينۆەستورلار قۇقىعىن, تۇراقتىلىقتى بارىنشا قورعاۋ ماقساتىندا كاسىپكەرلىكتى قولداۋ مەن بيزنەس-كليماتتى جاقسارتۋ بولىپ وتىرعانىن ايتتى.
ء«بىزدىڭ ءداستۇرلى سەرىكتەستەرىمىزدىڭ الدىندا ءوزىمىزدىڭ بارلىق مىندەتتەرىمىزدى تولىققاندى ورىندايتىن بولامىز», - دەدى قاسىم-جومارت توقاەۆ.
«مەنىڭ ويىمشا, وڭىردەگى بارلىق ەلدەردىڭ تۇراقتى دامۋى ءۇشىن ىنتىماقتاستىقتىڭ جاڭا كوكجيەكتەرىن ايقىنداپ, ەكونوميكانىڭ ءوسۋىن قالىپتاستىرۋ كەرەك.
سونىمەن قاتار پرەزيدەنت حالىقارالىق ءارى وڭىرلىك قاۋىپسىزدىكتى قامتاماسىز ەتۋ تۇرعىسىنداعى ماڭىزدى مىندەتتى ۇنەمى قاپەردە ۇستاۋ كەرەكتىگىن تىلگە تيەك ەتتى.
