سارىارقا اۋداندىق پوليتسيا بولىمىنە «سمارت تاكسي» جشس باسشىسى ارىزداندى. ول «Chevrolet Cobalt» ماركالى كولىكتەردەن كاتاليزاتور ۇرلانعانىن ايتقان. كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارى بارىسىندا 39 جاستاعى قالا تۇرعىنىن ۇستادى. ول تاكسي جۇرگىزۋشىسى بولىپ جۇرگەندە جالعا العان كولىكتەردەن كاتاليزاتور ۇرلاعان. اربىرەۋىنىڭ باعاسى - 830 مىڭ تەڭگە.
«كۇدىكتى ەكى كۇننىڭ ىشىندە كولىكتەردى تەحنيكالىق قىزمەت كورسەتۋ ورتالىقتارىنا اپارىپ, اۆتومەحانيكتەرگە اقىسىن تولەپ, كاتاليزاتورلاردى كەستىرىپ العان. سوسىن ءبارىن مەتالدى قابىلداۋ ورنىنا تومەن باعامەن وتكىزگەن», دەيدى پوليتسەيلەر.
قازىرگى كەزدە سوتقا دەيىنگى تەرگەۋ شارالارى باستالدى. كۇدىكتى ءوز كىناسىن مويىندادى. ونىڭ وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر.
ايتا كەتەرى, قىلمىستىق كودەكستىڭ 188-بابى (ۇرلىق, بىرنەشە رەت جاسالعان ارەكەت) بويىنشا ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ جازاسى قاراستىرىلعان.
كىنالى ادامنىڭ مۇلكi تاركiلەنەدى.
