تەرەكتى اۋدانىنا قاراستى اقسۋات اۋىلىندا تۇراتىن 30 ەڭبەك ارداگەرى مەن تىل ەڭبەككەرى 2022 جىلدىڭ ەكىنشى جارتىجىلدىعىندا «ەگەمەن قازاقستان» جانە «كازاحستانسكايا پراۆدا» گازەتتەرىن الىپ تۇراتىن بولدى.
– جاسىراتىنى جوق, گازەت-جۋرنالدى تۇراقتى جازدىرىپ الىپ, ۇزبەي وقيتىن – اعا بۋىن اتا-اجەلەرىمىز عوي. ءبىزدىڭ اۋىلدا دا ەلىمىزدىڭ باس باسىلىمىنىڭ وقىرمانى از ەمەس. قازىر ءجۇرىپ جاتقان باسپاسوزگە جازىلۋ ناۋقانىندا گازەت وقىرماندارىنىڭ قاتارى تاعى 30 ادامعا تولىقتى. «جايىق سيتي» كومپانياسىنىڭ ديرەكتورى مەرەكە مولداعاليەۆ اۋىل ارداگەرلەرى ءۇشىن 20 دانا «ەگەمەن قازاقستان» جانە 10 دانا «كازاحستانسكايا پراۆدا» گازەتتەرىنە جازىلىپ, پوشتا قۇنىن كوتەرىپ الدى, – دەيدى اقسۋات اۋىلدىق وكرۋگىنىڭ اكىمى جاننۇر احمەتوۆ.
ارداگەرلەردىڭ گازەتكە جازىلعانى تۋرالى تۇبىرتەكتى اۋىل باسشىسى قاريالارعا ءوزى تاراتىپ شىققان. ەڭبەك ارداگەرلەرى توقتامىس داۋكەنوۆ, تالاپ اجىباەۆ, سايىن يداشەۆ, مايدان دوساەۆ جانە باسقالارىنىڭ ريزاشىلىعىندا شەك جوق. ولار جومارت كاسىپكەر مەرەكە قونىسباي ۇلىنا, وسىناۋ يگى ىسكە مۇرىندىق بولعان اۋىل باسشىسى جاننۇر بەكباۋ ۇلىنا العىس ايتۋدا.
– بۇل وتە دۇرىس باستاما ەكەن. الەۋمەتتىك جەلىلەردى پايدالانا بەرمەيتىن ارداگەر قاۋىم ءۇشىن گازەت-جۋرنالدىڭ ماڭىزى ەرەكشە عوي. وسىنى ۇيىمداستىرعان بالالارىما راحمەت, – دەيدى ەڭبەك ارداگەرى سايىن يداشەۆ.
بۇرىن اۋىل اكىمدىگىندە قىزمەت ەتكەن سايىن اقساقال ەلىمىزدىڭ ەڭ باستى وقيعالارى, مەملەكەتتىك ساياساتتىڭ باستى باعىتتارى ءدال وسى باس باسىلىمداردا بۇكپەسىز جازىلاتىنىنا سەنىمدى.
باتىس قازاقستان وبلىسى
