«قازىر جۇرگىزىلىپ جاتقان جەكەشەلەندىرۋ جۇمىستارىن ءارى قاراي دا قارقىندى تۇردە جالعاستىرۋ قاجەت. كۆازيمەملەكەتتىك سەكتوردىڭ ءبىراز فۋنكتسيالارىن باسەكەلى ورتاعا بەرۋ كەرەك. ەڭ باستىسى, جەكەشەلەندىرۋگە قاتىستى بارلىق جۇمىستى اشىق ءارى ءادىل جۇرگىزگەن ءجون», دەدى ماۋلەن اشىمباەۆ.
سونداي-اق ول جالپى ەل ەكونوميكاسىن دامىتۋ ءۇشىن مەملەكەتتىك سەكتوردىڭ ونداعى ۇلەسىن تومەندەتۋ نەگىزگى قادام ەكەنىنە نازار اۋداردى.
«بۇگىندە مەملەكەتتىك سەكتوردىڭ ەكونوميكاداعى ۇلەسى كەم دەگەندە 40 پايىزدى قۇرايدى. وسى كورسەتكىشتى ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردىڭ ورتاشا دەڭگەيىنە دەيىن تومەندەتۋىمىز كەرەك. بۇل – ءبىزدىڭ ستراتەگيالىق مىندەتىمىز. سوندىقتان وسى باعىتتاعى جۇمىستى تاباندى ءارى جۇيەلى تۇردە جۇرگىزۋىمىز قاجەت», دەدى سەنات سپيكەرى.
ايتا كەتەيىك, بۇگىن پالاتا وتىرىسىندا سەناتورلار ۇكىمەتتىڭ جانە ەسەپ كوميتەتىنىڭ 2021 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن تىڭدادى.
ايانا توعانبەك
