«2021 جىلى الەمدىك ەكونوميكا پاندەمياعا دەيىنگى دەڭگەيگە قايتا ورالدى. جاھاندىق جالپى ىشكى ءونىمنىڭ ءوسۋى 6,1% قۇراپ, 40 جىلدان استام ۋاقىت ىشىندە ەڭ جوعارعى كورسەتكىشكە جەتتى. وتكەن جىلى قازاقستان ەكونوميكاسى دا 4,1%-عا ءوسىپ, پاندەمياعا دەيىنگى دەڭگەيگە ورالدى. الەمدىك ەكونوميكانىڭ تەز قالپىنا كەلۋى شامادان تىس سۇرانىسقا اكەپ سوقتىرىپ, شيكىزات, ماتەريالدار مەن ازىق-ت ۇلىك باعاسىنىڭ قىمباتتاۋىنا سەبەپشى بولدى. بۇل ەنەرگەتيكالىق داعدارىسپەن بىرگە الەمنىڭ كوپتەگەن ەلدەرىندە رەكوردتىق ينفلياتسياعا اكەلدى», دەدى عالىمجان ءپىرماتوۆ سەناتتىڭ جالپى وتىرىسىندا.
ونىڭ ايتۋىنشا, سىرتقى فاكتورلارمەن قاتار جەكەلەگەن تاۋار نارىعىنداعى ىشكى تەڭگەرىمسىزدىك ەلدەگى ينفلياتسيالىق قىسىمدى دا كۇشەيتتى.
«وتكەن جىلدىڭ ءبىرىنشى جارتىسىندا ينفلياتسيالىق پروتسەستەردىڭ تۇراقتانۋىنا قاراماستان, جىلدىڭ ورتاسىنان باستاپ ينفلياتسيا ازىق-ت ۇلىك, شيكىزات پەن ماتەريالدار باعاسىنىڭ جالپى الەمدىك ترەندىنىڭ اياسىندا جەدەلدەي باستادى. جازعى كەزەڭدە كوكونىس نارىعىنداعى تەڭگەرىمسىزدىك, جانار-جاعارماي جانە رەتتەلەتىن قىزمەتتەر باعاسىنىڭ ءوسۋى – ىشكى پروينفلياتسيالىق تريگگەرلەر بولدى. وسى جاعدايدا ۇلتتىق بانك ۇكىمەتپەن بىرلەسىپ, مەملەكەت باسشىسىنىڭ تاپسىرماسىنا سايكەس, ينفلياتسيانى 8,5% شەگىندە ۇستاپ تۇرۋ بويىنشا شارالار قابىلدادى», دەپ تۇيىندەدى ۇلتتىق بانك توراعاسى.
