جارىستىڭ ءبىرىنشى راكەتكاسى رەتىندە تىركەلگەن قازاقستاندىق تەننيسشى رەسەيلىك اناستاسيا تيحونوۆامەن بىرگە باستاپقى كەزدەسۋىن يسپانيالىقتار – اينوا اتۋچا-گومەس پەن كارمەن گاللاردو گەۆارامەن وتكىزدى. قازاقستاندىق-رەسەيلىك جۇپ 57 مينۋتقا سوزىلعان ماتچتا 6:2, 6:3 ەسەبىمەن جەڭىسكە جەتتى. ا.دانيلينا مەن ا.تيحونوۆا جۇلدە قورى 60 مىڭ اقش دوللارىنا باعالانعان جارىستىڭ جارتىلاي فينالىنا شىعۋ ءۇشىن بولگاريالىقتار – الەكسا جانە ليا كاراتانچەۆالارمەن كەزدەسەدى.
تاعى ءبىر قازاقستاندىق تەننيسشى تيموفەي سكاتوۆ بلۋا (فرانتسيا) چەللەندجەر ءتۋرنيرىنىڭ ەكىنشى اينالىمىندا وسى جارىستىڭ جەتىنشى, الەمنىڭ 184-راكەتكاسى سەربيالىق نيكولا ميلوەۆيچپەن كەزدەسەدى. ءبىرىنشى اينالىمدا ول ارگەنتينالىق فاكۋندو دياس اكوستانى 6:4, 7:6 (7:2) ەسەبىمەن تىزە بۇكتىردى.
