جيىنعا قر پرەزيدەنتى ءىس باسقارۋشىسىنىڭ ورىنباسارى مارجان اكىمجانوۆا, قر ءپىب مەديتسينالىق ورتالىعىنىڭ باسشىسى ساۋلە كيسيكوۆا, رەسپۋبليكالىق ۇلتتىق ورتالىقتاردىڭ قىزمەتكەرلەرى جانە نۇر-سۇلتان قالالىق دەنساۋلىق ساقتاۋ باسقارماسىنىڭ, سونىمەن قاتار مەديتسينالىق ورتالىقتىڭ, ۆەدومستۆولىق مەكەمەلەردىڭ قىزمەتكەرلەرى قاتىستى.
جيىندا مارجان اكىمجانوۆا دارىگەرلەردى مەرەكەمەن قۇتتىقتاپ, ساتتىلىك تىلەدى. ساۋلە كيسيكوۆا ءوز كەزەگىندە بارشا دارىگەرلەرگە ريزاشىلىعىن ءبىلدىرىپ, ىزگى تىلەكتەرىن جەتكىزدى.
سالتاناتتى جيىندا دەنساۋلىق ساقتاۋ سالاسىندا قىزمەت ىستەپ جۇرگەن دارىگەرلەر «ەڭبەك ارداگەرى», «دەنساۋلىق ساقتاۋ ىسىنە قوسقان ۇلەسى ءۇشىن», دەنساۋلىق ساقتاۋ مينيسترلىگىنىڭ «قۇرمەت گراموتاسى», قازاقستان رەسپۋبليكاسى پرەزيدەنتى ءىس باسقارماسىنىڭ «قۇرمەت گراموتالارىمەن» جانە العىس حاتتارىمەن ماراپاتتالدى.
