ازيا قۇرلىعىندا ونەر كورسەتەتىن اۋستراليا فۋتبولشىلارى قۇرلىقارالىق ىرىكتەۋ ويىنىن وڭتۇستىك امەريكا وكىلى پەرۋمەن وتكىزىپ, ماتچ سوڭىنداعى پەنالتي سەرياسىندا باسىم ءتۇستى. ءسويتىپ, الەم چەمپيوناتىنىڭ 31-ءشى جولداماسىنا يە بولدى. قاتاردىڭ ال-رايان قالاسىنداعى «احمەد بين الي» ستاديونىندا وتكەن كەزدەسۋدىڭ نەگىزگى ۋاقىتى 0:0 ەسەبىمەن تەڭ اياقتالىپ, ويىن سوڭىنداعى 11 مەترلىك ايىپ دوبىن ورىنداۋدا اۋستراليانىڭ باعى جاندى – 5:4.
ەندى الەم چەمپيوناتىنىڭ سوڭعى جولداماسىن تاعى ءبىر قۇرلىقارالىق ىرىكتەۋ ويىندا كوستا-ريكا مەن جاڭا زەلانديا قۇرامالارى ساراپقا سالادى. الەم چەمپيوناتى 21 قاراشا مەن 18 جەلتوقسان ارالىعىندا قاتاردا وتەدى.
