قىزدار اراسىنداعى قازاقستاننىڭ ءبىرىنشى راكەتكاسى بۇل اپتاداعى رەيتينگتە 21-ورنىن ساقتاپ قالدى. زارينا دياس كۇن وزعان سايىن رەيتينگتە تومەن قۇلدىراپ بارادى. كەزىندە توپ-10 تەننيسشىنىڭ قاتارىنا كىرۋگە ۋادە بەرگەن ول قازىرگى تاڭدا 199-ورىندا تۇر. جۇپتىق سىندا قازاقستاننىڭ ۇزدىك تەننيسشىسى اننا دانيلينا 21-ساتىدا كەلەدى. جىبەك قۇلامباەۆا 280-نەن 273-ورىنعا كوتەرىلدى.
ەرلەر رەيتينگىندە قازاقستاننىڭ ءبىرىنشى راكەتكاسى الەكساندر بۋبليك بەس ساتى جوعارىلاپ, 37-ورىنعا جايعاستى. سونداي-اق ميحايل كۋكۋشكين دە بەس ساتىعا كوتەرىلىپ, 161-ورىنعا تۇراقتادى. جۇپتىق رەيتينگتە قازاقستان وكىلدەرىنىڭ ىشىندەگى ەڭ ۇزدىگى – اندرەي گولۋبەۆ. الايدا ول الدىڭعى اپتامەن سالىستىرعاندا بىردەن 14 ساتى تومەن سىرعىپ, 41-ورىنعا تۇراقتادى. الەكساندر نەدوۆەسوۆ 61-ورىنعا, ال گريگوري لوماكين 239-ورىنعا يە بولدى.
