جارىستىڭ كەزەكتى كۇنىندە 67 كيلودا سىنعا تۇسكەن جەرلەسىمىز ەكى باعدارلامادا دا ۇزدىك شىعىپ, الەم چەمپيوناتىنىڭ التىنىن جەڭىپ الدى. ەراسىل ساۋلەبەكوۆ جۇلقا كوتەرۋدە 123 كيلو زىلتەمىردى ەڭسەرسە, سەرپە كوتەرۋدە 158 كيلونى باعىندىردى. ءسويتىپ, ەكى جاتتىعۋدىڭ قورىتىندىسى بويىنشا 281 كيلومەن مەكسيكادا قازاقستاننىڭ ءانۇرانىن شىرقاتتى. ەكىنشى ورىندى جەرلەسىمىزدەن ءۇش كيلو (278 كگ) كەم كوتەرگەن تۇركيالىق الااددين ساين يەلەنسە, قولا جۇلدە پولشالىق بارتوش بۋرسكيكەگە بۇيىردى. ول قوسسايىستا 269 كيلونى (116+153) باسىنان اسىرا كوتەردى.
ايتا كەتەيىك, بۇل – قازاقستان قۇراماسىنىڭ جاسوسپىرىمدەر اراسىنداعى الەم چەمپيوناتىنداعى العاشقى التىنى جانە ءۇشىنشى مەدالى. بۇعان دەيىن قىزدار اراسىنداعى 40 كيلودا سىنعا تۇسكەن الەكساندرا بەلەنكو مەن ەرلەر اراسىنداعى 55 كيلودا ەراسىل وماروۆ الەم چەمپيوناتىنىڭ قولا جۇلدەسىن جەڭىپ العان بولاتىن.
