قارت قۇرلىقتان ولجالى ورالدى

قازاقستان تەننيس فەدەرا­تسياسىنىڭ مالىمەتى بويىنشا ارسەني ترەبۋحين گرۋزيانىڭ استاناسى تبيليسيدە ۇيىم­داستىرىلعان 14 جاسقا دەيىنگى تەننيسشىلەر اراسىندا وتكەن ءۇشىنشى ساناتتاعى جارىستىڭ ءابسوليۋتتى جەڭىمپازى اتاندى. الماتى تەننيس مەكتەبىنىڭ تۇلەگى سانالاتىن ا.ترەبۋحين جەكەلەي سىننىڭ فينالىندا وسى ءتۋرنيردىڭ ءبىرىنشى راكەتكاسى رەسەيلىك ارتەم سە­مە­نوۆتى ەكى سەتتە – 6:3, 6:1 ەسە­­­بىمەن تىزە بۇكتىردى. بۇل – وتانداسىمىزدىڭ ەۋرو­پا­داعى ەڭ العاشقى ءىرى جەڭىسى. سونداي-اق ترەبۋحين اتال­عان ءتۋرنيردىڭ جۇپتىق باسە­كەسىندە دە توپ جاردى. ول ال­ماتىلىق روديون لۋكا­شوۆ­پەن بىرگە جۇپ قۇراپ, باس جۇل­دە ءۇشىن وتكەن ماتچتا رەسەي­لىك­تەر يۆان ماكاروۆ پەن مي­روسلاۆ موروزوۆتان ايلاسىن اسىردى – 7:5, 6:2.

سونىمەن قاتار تبيلي­سيدەگى 16 جاسقا دەيىنگى سپورت­شىلار اراسىنداعى دودادا اقتوبەلىك دەميد گورباچەۆ فينالعا دەيىن جەتىپ, شەشۋشى ويىندا ەۋروپانىڭ 15-راكەتكاسى رەسەيلىك ساۆا رىباكينگە جول بەردى – 4:6, 6:7 (3:7). دەگەنمەن د.گورباچەۆ جۇپتىق سىندا توپ جاردى. مانسۇر شاكەنمەن بىرگە ول فينالدا رە­سەيلىكتەر ۆلاديمير كادو­بينە مەن انتون كاتارتسەۆتەن ايلاسىن اسىردى – 6:2, 6:0.

لاتۆيانىڭ باس شاھارى – ريگاداعى ەكىنشى ساناتتاعى ەۋروپا دوداسىندا 12 جاسقا دەيىنگىلەر اراسىندا جانتورە سانجار ۇلى جەكەلەي جانە جۇپتىق سىننىڭ ءفيناليسى اتاندى. جەكەلەي سىننىڭ فينالىندا ول فينليانديالىق الەكس توۋموللينگە ەسە جى­بەرسە (0:6, 3:6), جۇپتىق سىن­دا ۇلىبريتانيالىق حاكيم كامالمەن بىرگە لاتۆيا­لىق گۋستاۆس بريتتس پەن ا.توۋ­مولليننەن ۇتىلىپ قالدى – 1:6, 2:6.

ال چەرنوگورياداعى 18 جاسقا دەيىنگىلەر اراسىندا ءتورتىنشى ساناتتاعى ITF تۋر­نيرىندە قازاقستاندىق ساتي اۋباكىروۆا دا جۇپتىق سىندا فينالعا دەيىن جەتىپ, جۇلدەگە سىنىق سۇيەم قال­عاندا ءسۇرىندى. قىتايلىق يفەي حۋانگپەن بىرگە جۇپ قۇ­راعان ساتي اۋبا­كىروۆا يتا­ليالىقتار اناس­تاسيا بەرتاچچي مەن فرانچەسكا گان­دولفيدەن جەڭىلىپ قالدى – 0:6, 4:6.

سونداي-اق شىمكەنتتەگى ATF (ازيا تەننيس فەدەراتسياسى) سەرياسى بويىنشا 16 جاسقا دەيىنگىلەر اراسىن­دا حالىقارالىق جا­رىس ءوز مارەسىنە جەتتى. مۇن­دا بوز­با­لالار اراسىندا ەل­ور­دا­لىق ۆياچەسلاۆ كۋفەلد جە­ڭىس تۇعى­رىنا كوتەرىلسە, جۇپ­تىق سىندا اقتوبەلىك سۆيا­تو­سلاۆ بۋرەەۆ پەن شىم­كەنت­تىك يمان­عالي راحىم­باەۆ­تىڭ باعى جاندى. قىزدار ارا­سىن­دا الماتىلىق پولينا سلەپ­تسوۆانىڭ مەرەيى ۇستەم بولدى. جۇپتىق سىندا شىم­كەنتتىك ادەمى امانكەلدى مەن وزبەكستاندىق شاحزودا ار­تىقباەۆا چەمپيون اتاندى.