جىگەرلى قۇرامانىڭ جەڭىسى

ۇلتتار ليگاسىنىڭ جەرەبەسى تارتىلعان بەتتە فۋتبول ساراپشىلارى سلوۆاكيانى «س» دي­ۆي­زيونىنداعى ءۇشىنشى توپ­تىڭ كوش­باسشىسى ەكەنىن ايتىپ, ولارعا مەرزىمىنەن بۇرىن «ۆ» ديۆي­زيونىنىڭ جولدا­ماسىن بەرىپ قويعان ەدى. سەبەبى سلو­ۆاكيا, جو­عارىدا ايتىپ وت­كەن­دەي, الەم­دىك رەيتينگتە توپ­تاعى وزگە ەلدەرمەن سالىستىر­عاندا الدەقايدا بيىك تۇرعان جوعارى دەڭگەيدەگى قۇراما سانالادى.

ماسەلەن, ناۋرىز ايىنداعى فيفا رەيتينگىندە بەلارۋس قۇراماسى 93-ورىنعا جايعاسسا, ازەربايجان فۋتبولشىلارى 129-ورىنعا تۇراقتاعان. سونىمەن قاتار سلوۆاكيا قۇراماسىندا دوپ تەبەتىن فۋتبولشىلاردىڭ دەنى ەۋروپانىڭ توپ-5 چەمپيوناتىندا ونەر كورسەتەدى.

اتاپ ايتار بولساق, قاقپاشى دومينيك گرەيف پەن قورعاۋشى مارتين ۆالەنت يسپانيانىڭ «مالوركاسىندا» ويناسا, مارەك روداك انگليانىڭ «فۋلحەم» كلۋبىنىڭ قاقپاسىن كۇزەتەدى. ال يۋراي كۋتسكا «ۋوت­فوردتىڭ» شابۋىلشىسى. ميلان شكرينيار («ينتەر»), ستانيسلاۆ لوبوتكا («ناپولي»), داۆيد سترە­لەتس («سپە­­تسيا») يتاليا ا سەريا­سى­نىڭ ويىن­شىلارى. ودان بولەك, گەر­مانيا, نيدەرلاند, اقش, تۇر­كيا چەمپيوناتتارىندا دا باق سىنايتىن فۋتبولشىلارى جە­تەرلىك. ال قازاقستان قۇرا­ما­سىندا شەتەل بىرىنشىلىگىندە دوپ تە­بەتىن ەكى-اق ويىنشى بار. ءبىرى – ءنۇرالى ءالىپ («زەنيت», رە­سەي), ەكىن­شىسى – يان ۆوروگوۆسكي (RWDM, بەلگيا).

دەي تۇرعانمەن, ءبىزدىڭ جىگىت­تەر ۇزدىك فۋتبولشىلارمەن جاساق­تالعان, ەۋروپانىڭ ساراپشىلارى ماقتاعان ازۋلى سلوۆاكيانى ەكى ويىندا دا قالپاقپەن ۇرىپ الدى. الدىڭعى دۇيسەنبىدە ترنا­ۆاداعى «سيتي ارەنادا» وت­كەن ءبىرىنشى ماتچتا قازاقستان مي­لان شكرينيار باستاعان الاڭ قو­جايىن­دارىن 1:0 ەسەبىمەن تىزە بۇك­تىردى. ويىن تاعدىرىن شەشكەن جالعىز گولدى كەزدەسۋدىڭ 26-مينۋتىندا «استانانىڭ» جار­تىلاي قورعاۋشىسى اسلان دارا­باەۆ سوقتى. بۇل جەڭىلىستى سلوۆا­كيا­لىق فۋتبول جانكۇيەرلەرى دە, سول ەلدىڭ فۋتبولعا جاۋاپتى ماماندارى دا اۋىر قابىلدادى. ءسويتىپ, ماتچتىڭ ەرتەسى كۇنى سلوۆاكيا فۋتبول فەدەراتسياسىنىڭ باسشىلىعى باس جاتتىقتىرۋشى شتەفان تار­كوۆيچتى قىزمەتىنەن الىپ تاستادى. بۇرىندارى, ادەتتە, جەڭىلىستەن كوز اشپايتىن قازاقستان قۇراما­سىنىڭ باپكەرلەرى بىرىنەن سوڭ ءبىرى قىزمەتىنەن كەتىپ جاتاتىن. ەندى, مىنە, كەزەك قارسىلاستارعا دا جەتكەن سياقتى.

اراعا اپتا سالىپ ەلورداداعى «استانا ارەنا» ستاديونىندا ۇيىم­داستىرىلعان قارىمتا كەزدەسۋدە جەرلەستەرىمىزدىڭ جى­گەرلى جەڭىسىمەن اياقتالدى. ءوز جەرىندە, جانكۇيەرلەرىنىڭ ال­دىندا رەيتينگتە ەكىنشى جۇز­دىكتىڭ قاتارىندا ورنالاسقان قا­زاقستاننان جەڭىلىپ, قولدا تۇرعان ماڭىزدى ۇپايىنان ايىرىلعان سلوۆاكيا فۋتبولشىلارى ەلور­داعا ەسە قايتارۋ ءۇشىن جانە وزدە­رىنە تيەسىلى بولعان التى ۇپاي­دىڭ ەڭ قۇرىعىندا ۇشەۋىن ولجالاۋ ماقساتىندا كەلگەنى انىق ەدى. الايدا قازاقستان قۇرا­ما­سىنىڭ نامىستى جىگىتتەرى قار­سى­­لاستارىنا ءۇش ۇپاي بىلاي تۇر­سىن, سوقىر ۇپاي دا ۇستاتقان جوق.

جالپى ايتقاندا, ماگومەد اديەۆتىڭ ۇلتتىق قۇراماعا كەلۋى­مەن ءبىزدىڭ جىگىتتەردىڭ ويىنى دا, ناتي­جەلەرى دە جاقسارا باستادى. باس باپكەر قۇراماعا تاجىريبەلى ويىنشىلارمەن قاتار جاس فۋتبولشىلاردى شاقىرىپ, جاستارعا سە­نىم ءبىلدىردى. ءوز كەزەگىندە ولار اديەۆ­تىڭ سەنىمىنە سەلكەۋ تۇسىر­مەدى. كەشەگى ماتچتاعى ەلحان اس­تانوۆ پەن رامازان ورازوۆتىڭ ويىندارىنا جانكۇيەرلەر دە, باپكەرلەر قۇرامى دا ءدان ريزا. سونداي-اق رەسەيلىك مامان ءوزىنىڭ وزگەرىستەردەن قورىقپايتىن تاۋە­كەلشىل جانە ءبارىن الدىن الا بولجاي الاتىن مىقتى ستراتەگ باپكەر ەكەنىن بايقاتتى.

ماسەلەن, ماۋسىم ايىنداعى ءتورت ويىندا دا قارسىلاستاردى قاتە­لەستىرۋ ءۇشىن بارلىق ماتچتا بەس قورعاۋشىمەن وينادى. بىر­اق سىرت الاڭداعى كەزدەسۋلەردە قار­سى شابۋىلعا, ۇيدەگى ويىنداردا شا­بۋىلعا كوبىرەك كوڭىل ءبولدى. ايتالىق, كەشەگى سلوۆاكيامەن بولعان كەزدەسۋدە ادەتتەگىدەي بەس قور­عاۋشىمەن ويناسا دا, سول قاپ­­تالدىڭ قورعانىسىنا تي­­مۋر دوس­­مامبەتوۆتى جاۋاپتى ەتىپ قويدى دا, جارتىلاي قور­عا­نىسقا, ياعني ونىڭ جوعارى جا­عى­نا وسى قانات ارقىلى شابۋىل­دايتىن تاعى ءبىر قورعاۋشى يان ۆوروگوۆسكيدى شىعاردى. ال وڭ قاپتالعا ميحايل گابىشەۆتى, ودان جوعارىعا ەلحان استانوۆتى قوي­دى. ورتالىق جارتىلاي قور­عانىستا اسحات تاعىبەرگەن مەن اسلان داراباەۆ, شابۋىلدا ابات ايىمبەتوۆ وينادى.

قارسىلاستىڭ قورعاۋشىلارى كوپ ساتتە ايىمبەتوۆ پەن ورتالىق جارتىلاي قورعاۋشىلاردى تۇ­ساپ ۇستاۋعا تىرىستى دا, قاپتال­داعى فۋتبولشىلارىمىزدى ۇمىت قال­دىردى. العاشقى گول سوعى­لار ساتتە سلوۆاكيانىڭ ەكى قور­عاۋشىسى ايىمبەتوۆتى «جابۋعا» تى­رى­سىپ, ۆوروگوۆسكيدى قا­راۋسىز قالدىردى. ءسويتىپ, يان ەش قيىن­دىقسىز دوپتى قاقپاعا ەنگىزدى. بايقاساڭىزدار, كەشەگى ويىنداعى ءبىزدىڭ قۇرامانىڭ ەكى گولى دا, شابۋىلدارى دا قاپتال ارقىلى ۇيىمداستىرىلدى. 10 كۇن بۇرىن عانا ۇلتتىق قۇرامادا دەبيۋت جا­ساعان ەلحان استانوۆ ءتورتىنشى ماتچ­تاعى تۇڭعىش گولىن تاعى دا سول قاپتالدان ۇيىمداستىرىلعان شابۋىلدان كەيىن سوقتى.

ەكىنشى تايمدا فيزيكالىق تۇرعىدا شارشاي باستاعان قا­زاق­ستان قۇراماسى باسىمدىقتى سلوۆاكيالىقتارعا بەرىپ قويدى. ناتي­جەسىندە, قوناقتار ەكىنشى تايم­نىڭ باسىندا ماتۋش بەرون­نىڭ گولىنان كەيىن ەسەپ ايىرماسىن قىسقارتتى. ويىننىڭ قالعان ۋا­قى­تىندا دا قارسىلاستار يگور شاتسكي قورعاعان قاقپاعا تولاسسىز شابۋىل ۇيىمداستىرعانىمەن, ونىڭ بىردە-بىرەۋىن گولعا اينالدىرا المادى.

وسىلايشا, قازاقستان قۇرا­ماسى سلوۆاكيانى ەكى ويىندا دا جەڭىپ, تاريحي ناتيجەگە قول جەت­كىزدى. ءتورت ويىننان كەيىن 10 ۇپاي جيناعان جەرلەستەرىمىز «س» ليگا­سىنىڭ ءۇشىنشى توبىندا جەكە-دارا كوش باستادى. ەكى جەڭىسى بار سلوۆاكيا التى ۇپايمەن ەكىنشى ورنىن ساقتاپ قالسا, توپتاعى ەكىن­­شى ويىندا ءوز الاڭىندا بەلا­رۋس قۇراماسىنان باسىم تۇسكەن ازەر­بايجان ءتورت ۇپايمەن ءۇشىنشى سا­تىعا كوتەرىلىپ الدى. ءبىر عانا ۇپايى بار بەلارۋس سوڭعى ورىندا قا­لىپ قويدى.

ەندى ۇلتتار ليگاسىنىڭ قالعان ەكى ويىنى قىركۇيەكتە وتەدى. ەگەر, ماگومەد اديەۆ شاكىرتتەرى وسى ەكى ماتچتىڭ بىرەۋىندە جەڭىسكە جەتسە نەمەسە ەكى باسەكەدە تەڭ نا­تي­جەگە قول جەتكىزسە, اتالعان ءتۋر­­­نيردىڭ كەلەسى ماۋسىمىندا «ۆ» ليگاسىندا ونەر كورسەتەدى. بۇل دەگەنىڭىز, قازاقستاننىڭ 2024 جىلعى ەۋروپا چەمپيوناتىنىڭ فينالدىق كە­زەڭىنە جولداما جە­ڭىپ الۋىنا قوسىمشا مۇمكىندىك بەرەدى. قازاق­ستان قۇراماسى كەلەسى ويىنىن 22 قىركۇيەكتە ەلورداداعى «اس­تانا ارەنادا» بەلارۋس, 25 قىر­كۇيەكتە سىرت الاڭدا ازەر­باي­جان فۋتبولشىلارىمەن وتكىزەدى.

تۋرنير كەستەسى