«قازىر «ەڭبەك قاۋىپسىزدىگىنىڭ ەكونوميكالىق پروبلەمالارى جانە قازاقستان رەسپۋبليكاسىنداعى ساقتاندىرۋ مەحانيزمىن ينستيتۋتسيونالدى تۇرلەندىرۋ» تاقىرىبىندا عىلىمي-زەرتتەۋ جۇمىسى جۇرگىزىلىپ جاتىر. ونىڭ ناتيجەسىندە 2023 جىلى 2025 جىلعا دەيىنگى قازاقستان رەسپۋبليكاسىندا ەڭبەك قاۋىپسىزدىگىن قامتاماسىز ەتۋ جونىندەگى ءىس-قيمىل جوسپارىنىڭ 12-1 تارماعىنا سايكەس, وندىرىستەگى جاراقاتتىڭ الدىن الۋ جانە وندىرىستەگى جازاتايىم وقيعالاردان مىندەتتى تۇردە ساقتاندىرۋ تەتىكتەرىن جەتىلدىرۋ جونىندەگى زاڭ جوباسىنىڭ تۇجىرىمداماسى ازىرلەنەدى», دەدى ەرالى توعجانوۆ.
ونىڭ ايتۋىنشا, وندىرىستەگى جازاتايىم وقيعالاردىڭ سالدارىنان مۇگەدەك بولىپ قالعان تۇلعالاردى الەۋمەتتىك قورعاۋ ماقساتىندا ءۇش كوزدەن الەۋمەتتىك تولەم قاراستىرىلعان. رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى, مەملەكەتتىك الەۋمەتتىك ساقتاندىرۋ قورىنان ەڭبەك قابىلەتىن جوعالتۋىنا بايلانىستى الەۋمەتتىك تولەم جانە زارداپ شەگۋشى «جۇمىسشىنىڭ ەڭبەك مىندەتتەمەسىن ورىنداۋ بارىسىندا جازاتايىم وقيعالاردان زارداپ شەككەن جاعدايدا مىندەتتى الەۋمەتتىك ساقتاندىرۋ تۋرالى» زاڭعا سايكەس ساقتاندىرىلعان جاعدايدا ساقتاندىرۋ كولەمى جۇزەگە اسىراتىن زالالدى وتەۋ تولەمى جاسالادى.
ال ەگەر زارداپ شەگۋشى ساقتاندىرىلماعان جاعدايدا زالالدى وتەۋ تولەمىن جۇمىس بەرۋشى وتەيدى.
