بۇل تۋرالى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىندە حابارلادى.
جاڭا وبلىستاردىڭ زاڭدى تۇلعالارىنا, جەكە كاسىپكەرلەرىنە, جەكە تۇلعالارىنا قايتا تىركەلۋدەن ءوتۋدىڭ قاجەتى جوق. ويتكەنى, اقپاراتتىق جۇيەلەردە سالىق تولەۋشىلەردى قايتا تىركەۋ اۆتوماتتى تۇردە جاسالادى. سونداي-اق باقىلاۋ-كاسسا ماشينالارى (بكم) تىركەلگەن مەكەنجايلار دا اۆتوماتتى تۇردە جاڭارتىلادى.
«قازاقستان رەسپۋبليكاسى مەملەكەتتىك كىرىستەر ورگاندارىنىڭ كودتارىن بەكىتۋ تۋرالى» 2018 جىلعى 12 اقپانداعى № 159 بۇيرىعىنا وزگەرىستەر كۇشىنە ەنگەن سوڭ, مەملەكەتتىك كىرىستەر ورگاندارىنىڭ جاڭارتىلعان كودتارى https://kgd.gov.kz ينتەرنەت پورتالىندا جاريالانادى. جاڭا كودتار سالىق ەسەپتىلىگىن تاپسىرۋ جانە سالىقتاردى تولەۋ ءۇشىن قاجەت.
