الەمنىڭ 40-قا جۋىق ەلىنەن كەلگەن 205 اۋىر اتلەت 10 سالماق دارەجەسى بويىنشا سىنعا ءتۇسىپ جاتىر. الەمدىك دودادا قازاقستاننىڭ 9 (5 ەر, 4 قىز) سپورتشىسى دا ونەر كورسەتۋدە. جارىستىڭ العاشقى كۇنىندە قىزدار اراسىندا 40 كيلو سالماقتا باق سىناعان الەكساندرا بەلەنكو الەم چەمپيوناتىنىڭ قولا جۇلدەگەرى اتاندى. قوس سايىستا 125 كيلو (55+70) زىلتەمىردى كوتەرگەن وتانداسىمىز ۇزدىك ۇشتىكتىڭ قاتارىنان كورىندى. باس جۇلدەنى كولۋمبيالىق ەسترادا ۆەلەز (128 كگ, 55+73) يەلەنسە, كۇمىس جۇلدە ۇندىستاندىق ۆياۆحارە اكانشاعا بۇيىردى. ول – 127 (59+68) كيلونى ەڭسەردى.
ال جارىستىڭ ەكىنشى كۇنىندە ەرلەر اراسىنداعى سايىستا 55 كيلوداعى ەراسىل وماروۆ ەكى جاتتىعۋدا 224 (100+124) كيلو زىلتەمىردى باعىندىرىپ, ەل قورجىنىنا ەكىنشى قولا جۇلدەنى سالدى. التىندى ءۇندىستان وكىلى گۋرۋنايدۋ ساناپاتحي (230 كگ, 124+126), كۇمىستى ساۋد ارابياسىنىڭ سپورتشىسى الي مادجيدۋ ولجالادى – 229 كگ (105+124).
