شقو تجد ءباسپاسوز قىزمەتىنىڭ حابارلاۋىنشا, ءبىر ءجاسوسپىرىمنىڭ دەنەسى ءالى كۇنگە دەيىن ىزدەستىرىلىپ جاتىر. قايعىلى وقيعا وسى جىلدىڭ 11 ماۋسىمىندا سەمەيدە بولدى. قۇتقارۋشىلارعا شىعىس كەنتى 2-ساياجاي اۋماعىندا ەرتىس وزەنىنە 15 جاستاعى ءجاسوسپىرىمنىڭ باتىپ كەتكەنى تۋرالى حابار كەلىپ جەتتى. انىقتالعانداي, ول دوستارىمەن بىرگە رۇقسات ەتىلمەگەن سۋ ايدىنىندا شومىلعان. ول اعىسى قاتتى جەرگە سۋعا سەكىرگەن, سول بەتى شىقپاعان. جولداستارى كومەككە كەلمەك بولدى, الايدا سۋدىڭ قاتتى اعىنى ونداي مۇمكىندىك بەرمەدى.
«وقيعا ورنىنا كەلگەن 7-ءوسب جەدەل قۇتقارۋ جاساعىنىڭ سۇڭگۋىرلەرى كەلىپ جەتىپ ىزدەۋ جۇمىستارىن جۇرگىزدى. قايىقتى جانە سۇڭگۋىر جابدىقتارىن پايدالانا وتىرىپ جۇرگىزىلگەن بىرنەشە ساعاتتىق ىزدەستىرۋ جۇمىستارى ەش ناتيجە بەرمەدى, ىزدەۋ جۇمىستارى جالعاسۋدا. سۋ ءتۇبىنىڭ لايلى بولۋى, وزەن اعىسىنىڭ قاتتى بولۋى سۇڭگۋىرلەردىڭ ىزدەۋ جۇمىستارىن قيىنداتىپ جاتىر», دەلىنگەن ۆەدومستۆو حابارلاماسىندا.
