بەس كۇنگە جالعاسقان ءتۋرنيردىڭ نەگىزگى ۇيىمداستىرۋشىسى №18 قازالى اۋداندىق بالالار-جاسوسپىرىمدەر سپورت مەكتەبى بولدى. اتاۋلى جىل اياسىنداعى سايىستى وتكىزۋگە اۋداندىق سپورت, ىشكى ساياسات بولىمدەرى, جاستار رەسۋرستىق ورتالىعى ماماندارى, ءجالاڭتوس ءباھادۇر ۇرپاقتارى دا ۇلكەن ۇلەس قوسىپتى.
اتى اۋداندىق بولعانمەن بۇل جولعى جارىستىڭ اۋقىمى كەڭ. تۋرنيرگە قاتىسۋشىلار اراسىندا وبلىس اۋداندارىنان بولەك كورشىلەس تۇركىستان وبلىسى مەن وزبەكستان رەسپۋبليكاسىنان كەلگەن جاس سپورتشىلار بولدى.
قازالى – ءتۇرلى سپورت تۇرىنەن الدا جۇرگەن اۋدانداردىڭ ءبىرى. بۇل جارىستا دا اۋىلدارداعى بالعىن سپورتشىلاردىڭ باعى جاندى. ج.ءباھادۇر, ق.ءپىرىموۆ اۋىلدارىنىڭ سپورتشىلارى ءبىرىنشى تۇعىردان كورىندى. وزگە اۋداندار مەن تۇركىستان وبلىسىنان, وزبەكستان رەسپۋبليكاسىنان كەلگەن بوكسشىلار دا جەڭىمپاز اتاندى.
قىزىلوردا
