الماتى پد ءباسپاسوز قىزمەتىنىڭ مالىمەتىنشە, 14 جاستاعى رومان دوستارىمەن بىرگە ەسەنتاي وزەنىنىڭ جاعاسىندا بولعان.
بالا پاراپەت ارقىلى قارسى جاعاعا وتۋگە تىرىسقان. بىراق, وكىنىشكە قاراي, ءسۇرىنىپ كەتىپ, سۋعا قۇلاعان. وسى كەزدە وقيعا ورنىندا ارنايى جەدەل ارەكەت ەتۋ وتريادىنىڭ ينسپەكتورى اسقار تورتاي مەن ۋچاسكەلىك ينسپەكتور رۋسلان قاليەۆ باستاعان جاياۋ وترياد ءتارتىپ ساقشىلارىنىڭ كەزەكشىلىگىن اتقارىپ جۇرگەن.
باتىپ بارا جاتقان بالانى كورىپ, اعا لەيتەنانت تورتاي بىردەن سۋعا سەكىرگەن. بالانىڭ جاعدايى جاقسى. ول اتا-اناسىنا تاپسىرىلعان.
